Friday, January 22, 2021

Latest Posts

కరోనా ఒక రకం కాదట ..

11 different types of corona virus were born in wuhan

మహమ్మారిగా మారిన కరోనా వైరస్ ప్రపంచాన్ని వణికిస్తోంది. దీనికి మందు లేకపోవడంతో చాలా దేశాలు లాక్ డౌన్ లోకి వెళ్లాయి. కరోనా పై పరిశోధనలు, అధ్యయనాలు,ప్రయోగాలు జోరుగానే సాగుతున్నాయి. అయితే ప్రస్తుతం ప్రపంచంలో వేగంగా వ్యాప్తి చెందుతున్న వైరస్ ఒక్క రకమే. కానీ ఇలాంటి వైరస్‌లే మరో 10 రకాలు ఉన్నాయంటూ భారత శాస్త్రవేత్తలు తాజాగా చెప్పుకొస్తున్నారు. నిజానికి కరోనా వైరస్ మొత్తం 11 రకాలట. వాటిలో చైనాలోని ఊహాన్‌లో ‘ఓ’అనే రకం పుట్టిందట. ఇది కరోనా వైరస్‌లన్నిటీకీ పెద్దన్న లాంటిది. దీని నుంచి మరో 10 రకాల వైరస్‌లు ఉద్భవించాయి.

అయితే వీటన్నింటిలో నుంచి కాలక్రమేణా ‘ఏ2ఏ’ అనే ఓ రకం మాత్రమే బాగా వృద్ధి చెంది, మార్చి కల్లా మిగతా రకాలన్నింటినీ అణచివేస్తూ తారాస్థాయికి ఎదిగిందట. కరోనా వ్యాప్తి మొదలైన 2019 డిశంబరు నుంచి 2020 ఏప్రిల్ 6 వరకు ప్రపంచంలోని 55 దేశాల్లో వ్యాప్తి చెందిన 3,600 కరోనా వైరస్‌ శాంపిళ్లను సేకరించామని, వాటిలోని ఆర్‌ఎన్ఏ పొందికపై పరిశోధనలు చేసి ఈ విషయాన్ని తెలుసుకున్నామని శాస్త్రవేత్తలు వెల్లడించారు. ప్రస్తుతం ప్రపంచంలోని అనేక దేశాల్లో ఈ ఏ2ఏ వైరస్ ప్రభావం దాదాపు 80 శాతం ఉండగా.. భారత్‌లో మాత్రం 45 శాతంగానే ఉందని చెప్పారు. దీనివల్లే ప్రజలు కోవిడ్-19 బారిన పడి ప్రాణాలు కోల్పోతున్నారని చెప్పారు.

కోవిడ్-19 నిరోధించేందుకు ఏదైనా వ్యాక్సిన్ కనిపెట్టాలని అనుకున్నప్పటికీ.. అది ఈ ఏ2ఏ కరోనా వైరస్ పైనే ప్రభావం చూపేలా ఉండాలని అభిప్రాయపడుతున్నారు. ఈ వైరస్‌లోని ఆర్‌ఎన్‌ఏ వల్లే ఇది ప్రపంచం మొత్తం వ్యాప్తి చెందగలుగుతోందని, బాధితుడి ఊపిరిత్తుల్లోకి చేరి ప్రాణాలను కబళించగలుగుతోందని శాస్త్రవేత్తలు చెబుతున్నారు. పదేళ్ల క్రితం ప్రపంచాన్ని భయపెట్టిన సార్స్-కోవిడ్2 వైరస్ కూడా ఇలాంటి ప్రభావాన్నే బాధితులపై చూపేదని, దానివల్ల కూడా వేలమంది ప్రాణాలు కోల్పోయారని శాస్త్రవేత్తలు గుర్తు చేశారు. ఊపిరిత్తులపై ఏసీఈ2 అనే పోషకం తయారవుతుందని, శరీరంలోకి ప్రవేశించిన ఏ2ఏ వైరస్ ముందుగా దీనిని అంటిపెట్టుకుంటుందని, ఆ తర్వాత నెమ్మదిగా లోనికి ప్రవేశించి స్థావరం ఏర్పాటు చేసుకుంటుందని వారు అంటున్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss