Thursday, May 13, 2021

Latest Posts

ఇద్దరి డ్రైవరుల నిర్లక్ష్యానికి…. 40 మందికి కరోనా….

40 people have been infected with coronavirus in Vijayawada

ఆంధ్ర ప్రదేశ్ లో గడచిన రెండు రోజులలో అనూహ్యంగ వంద పాజిటివ్  కేసులు నమోదు అయ్యాయి. అలాగే కృష్ణా జిల్లాలో కరోనా వైరస్ కేసులు భారీగా పెరుగుతున్నాయి. విజయవాడ నగరంలో ఇద్దరి నిర్లక్ష్యం వల్ల దాదాపు 40 మందికి కరోనా వైరస్ సోకినట్లు కృష్ణా జిల్లా కలెక్టర్ ఇంతియాజ్ వెల్లడించారు. ఈ మేరకు శనివారం కలెక్టర్ ఇంతియాజ్ మీడియాతో సమావేశంలో మాట్లాడుతూ ప్రజలంతా లాక్‌డౌన్‌ నిబంధనలు, భౌతిక దూరం పాటించాలని విజ్ఞప్తి చేశారు. లేకపోతే కరోనా నియంత్రణ సాధ్యం కాదని ఆందోళన వ్యక్తం చేశారు.

విజయవాడలోని కృష్ణలంకలో ఓ లారీడ్రైవర్‌ నిర్లక్ష్యం వల్ల 24 మందికి కరోనా సోకిందని చెప్పారు. అతడు లాక్‌డౌన్‌ నిబంధనలు ఉల్లంఘించాడనీ అంతేకాకుండా కాలక్షేపం కోసం ఇరుగుపొరుగు వాళ్లను పిలిచి పేకాట, హౌసీ ఆడటం చేశాడని అందువల్ల డ్రైవరు తో పాటు  పిల్లలు, మహిళలు అని తేడా లేకుండా 24 మందికి కరోనా సోకిందని చెప్పారు.

ఇది ఇలా ఉండగా విజయవాడలోని కార్మికనగర్‌లో కూడా మరో డ్రైవర్‌ నిర్లక్ష్యం వల్ల 15 మందికి పైగా కరోనా సోకిందన్నారు. భౌతికదూరం పాటించకుండా ఆయన కూడా  వివిధ కార్యక్రమాల్లో పాల్గొనడం వల్లే ఇలా జరిగిందన్నారు. ఈ ఇద్దరి నిర్లక్ష్యనికి  జిల్లాలో దాదాపు 40 మందికి కరోనా సోకిందని తెలిపారు. అందువల్ల ప్రజలందరూ ఇళ్లకే పరిమితి అవ్వాలని బయటకు రావొద్దని, విధిగా లాక్ డౌన్ నిబంధనలు పాటించాలని కలెక్టర్‌ కోరారు.

 

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss