Tuesday, March 9, 2021

Latest Posts

తెలంగాణలో కరోనా బాధితులు 6గురు – జవాన్ కి వైరస్ 

6th corona virus(COVID19) positive case reported in Telangana

ప్రపంచాన్ని వణికిస్తున్న కరోనా వైరస్ ఒక్కో రాష్ట్రానికి పాకుతోంది.  తెలంగాణలో మరో వ్యక్తికి కరోనా పాజిటివ్‌ అని తేలడంతో వైద్యులు మరింత అప్రమత్తమయ్యారు. లండన్‌ నుంచి వచ్చిన వ్యక్తికి కరోనా పాజిటివ్‌ అని తేలింది. దీంతో రాష్ట్రంలో కరోనా బాధితుల సంఖ్య ఆరుకు చేరుకుంది. గాంధీ ఆస్పత్రిలో ఇప్పటికే ఐదుగురు కరోనా పేషంట్లకు చికిత్సనందిస్తున్నారు. కాగా  మొట్టమొదటిసారి భారత ఆర్మీ జవానుకు సోకింది. జమ్మూకశ్మీర్‌లోని లడఖ్ ప్రాంతంలో భారత సైన్యంలో విధులు నిర్వహిస్తున్న ఓ జవానుకు కరోనా వైరస్ పాజిటివ్ అని పరీక్షల్లో తేలింది.

దీంతో వెంటనే జవాన్ ను ఐసోలేషన్ గదికి తరలించి వైద్యులు చికిత్స అందిస్తున్నారు. ఆర్మీ జవాన్ తండ్రి ఇటీవల ఇరాన్ దేశంలో పర్యటించి తిరిగి వచ్చాడని వైద్యులు పరిశీలనలో వెల్లడైంది. ఆర్మీ జవాన్ తండ్రికి కూడా కరోనా వైరస్ పాజిటివ్ అని పరీక్షల్లో వెల్లడైంది. దీంతో జవాన్ తండ్రితోపాటు అతని కుటుంబ సభ్యులైన భార్య, సోదరిలను ఐసోలేషన్ గదులకు తరలించి చికిత్స చేస్తున్నారు. ఆర్మీ జవానుతోపాటు అతని కుటుంబసభ్యులందరినీ లడఖ్ నగరంలోని ఆసుపత్రిలో ఐసోలేషన్ గదులకు తరలించారు.  భారత సైన్యం అప్రమత్తమైంది. కాగా కరోనా ప్రభావం మొక్కజొన్నను వదల్లేదు. కొనుగోళ్లపై కరోనా ప్రభావం ఉండటంతో మార్కెట్‌లో మొక్కజొన్న ధర పడిపోయింది. కోళ్ల పరిశ్రమ పూర్తిగా స్తంభించడంతో దానా కొనుగోళ్లు నిలిచి పోయాయి.  మొక్కజొన్న రైతులు తీవ్ర ఆందోళనకు గురవుతున్నారు.  కోళ్ల దానా తయారీలో మొక్కజొన్నను వినియోగిస్తారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss