Monday, April 19, 2021

Latest Posts

సోనియాపై ఓ రేంజ్ లో మండిపడ్డ అమిత్ షా

Amit shah strong comments on Sonia gandhi

ఈమధ్య కనిపించకుండా ఉంటున్న కేంద్ర హోమ్ మంత్రి అమిత్ షా   చాలా కాలం తర్వాత ఎంట్రీ ఇస్తూనే  సోనియా గాంధీపైనా కాంగ్రెస్ పార్టీ వైఖరిపైనా నిప్పులు చెరిగారు. కీలక సమయంలో బీజేపీకి జాతీయ అధ్యక్షుడిగా పనిచేసి తాజాగా నరేంద్ర మోదీ నేతృత్వంలోని కేంద్ర కేబినెట్ లో కేంద్ర హోం శాఖ మంత్రిగా పదవీ బాధ్యతలు చేపట్టిన అమిత్ షా చాలా కాలంగా కనిపించడమే లేదు. దేశంలో కరోనా కల్లోలం రేగిన వేళ… అమిత్ షా అస్సలు కనిపించనే లేదు. అమిత్ షా అసలు ఇలాంటి కీలక తరుణంలో ఎందుకు బయటకు రావడం లేదన్న వాదనలు కూడా వినిపించాయి. అయితే ఈ విమర్శలేమీ పట్టించుకోకుండా చాలా కాలంగా మీడియాకు దూరంగా ఉంటున్న షా… గురువారం బయటకు వచ్చారు. వచ్చీ రాగానే, కరోనా కట్టడి కోసం తమ ప్రభుత్వం చేపడుతున్న చర్యలను వివరిస్తూనే విపక్ష కాంగ్రెస్ పార్టీపై, ఆ పార్టీ అధినేత్రి సోనియా గాంధీపై, ఓ రేంజిలో ఫైరయ్యారు. కరోనా మహమ్మారిపై యావత్తు దేశం పోరాటం చేస్తోంటే, కాంగ్రెస్ పార్టీ చిల్లర రాజకీయాలు చేస్తోందని ఓ రేంజిలో ధ్వజ మెత్తారు.

అయినా సోనియాపై అమిత్ షా ఈ రేంజిలో పంచ్ లు సంధించడానికి దారి తీసిన పరిస్థితుల లోకి వెళ్తే, దేశంలో కరోనా కట్టడి కోసం మోదీ సర్కారు మూడు వారాల పాటు దేశవ్యాప్తంగా లాక్ డౌన్ ను ప్రకటించింది. ఈ లాక్ డౌన్ ఇప్పటికే ఓ వారం పాటు పూర్తి కాగా… ఇంకో రెండు వారాల పాటు కొనసాగనుంది. ఈ నెల 14న లాక్ డౌన్ గడువు తీరనుంది.  అయితే  లాక్ డౌన్ సగం రోజులు కూడా పూర్తి కాకుండానే… ఎంట్రీ ఇచ్చిన సోనియా గాంధీ ఏకంగా  మోదీ సర్కారు లాక్ డౌన్ ను అమలు చేస్తున్న తీరుపై ఆరోపణలు గుప్పించారు. సరైన ప్రణాళిక లేకుండానే మోదీ సర్కారు లాక్ డౌన్ అమలు చేస్తోందని,  పేదలు నానా ఇబ్బందులు పడుతున్నారని  సీడబ్ల్యూసీ వీడియో కాన్ఫరెన్స్ లో సోనియా విరుచుకుపడ్డారు.

సోనియా గాంధీ నుంచి ఈ తరహా విమర్శలు రావడంతో గురువారం రంగంలోకి దిగిన అమిత్ షా తనదైన శైలిలో కాంగ్రెస్ పార్టీ వైఖరిని ఉతికి ఆరేశారు. ప్రధాని నరేంద్ర మోదీ నేతృత్వంలో దేశం యావత్తూ  కరోనా మహమ్మారిపై పోరాడుతోందని ఆయన చెబుతూ ఈ విషయంలో  130 కోట్ల మంది ఒక్కటయ్యారని  పేర్కొన్నారు. ఇలాంటి పరిస్థితుల్లో దేశ ప్రజలను తప్పుదో పట్టించడం సరికాదని ఆయన వ్యాఖ్యానించారు. సోనియా గాంధీ ఆమె నేతృత్వంలోని కాంగ్రెస్ పార్టీ ఇప్పటికైనా జాతి ప్రయోజనాలను గుర్తించి అందుకు అనుగుణంగా వ్యవహరించాలని సూచించారు. ఇలాంటి సమయంలో కూడా విమర్శలు ప్రతివిమర్శలు షరా మామూలే అయ్యాయి.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss