Wednesday, April 21, 2021

Latest Posts

లాక్ డౌన్ లాస్ ఎంతో తేలిస్తే షాకవ్వాల్సిందే  

Analysis of the 21-days lockdown in India has caused huge damage to the country.

ప్రపంచాన్ని వణికిస్తున్న కరోనా వైరస్ ని కట్టడి చేయడానికి అన్ని దేశాలు లాక్ డౌన్ లోకి వెళ్తున్నాయి. అయితే ఓ పక్క ఆదాయం పోతోందని, మరోపక్క లాక్ డౌన్ తీసేస్తే ఆరోగ్యం దెబ్బతింటుందని వాదనలు వినిపిస్తున్నాయి. రెండింటినీ సమన్వయం చేస్తూ నెట్టుకు రావడం ప్రస్తుత పరిస్థితుల్లో కష్టమే. కానీ దీనికి మందు లేకపోవడం పెద్ద ఇబ్బందిగా మారింది. అధిక జనాభా గల మనదేశంలో లాక్ డౌన్ ని మించిన మందు లేదని అంటున్నారు. అయితే ఏప్రియల్ 14తో  21రోజుల లాక్ డౌన్ ముగియబోతుండడగా చాలా రాష్ట్రాల్లో కొనసాగిస్తూ నిర్ణయం తీసుకున్నారు.

దేశవ్యాప్తంగా కూడా లాక్ డౌన్ పొడిగించాలన్న విజ్ఞప్తులు వస్తున్నాయి. ఇక  కరోనా కట్టడి కోసం భారత్‌లో విధించిన 21 రోజుల లాక్ డౌన్ కారణంగా దేశానికి భారీగానే నష్టం వచ్చిందన్న విశ్లేషణలు వస్తున్నాయి. ఓ అధ్యయనంలో అయితే  7 నుంచి 8  లక్షల కోట్ల నష్టం వచ్చే అవకాశం ఉందని తేల్చింది. అవును  సెంట్రమ్ ఇస్టిట్యూషనల్ రీసెర్చ్ జరిపిన అధ్యయనంలో ఈ విషయం  వెల్లడైంది. కొన్ని ఆర్థికపరమైన నిర్ణయాల కారణంగా నెమ్మదించిన భారత్ ఆర్థిక వ్యవస్థకు ఇది పెద్ద దెబ్బ అని సంస్థ తెలిపింది. మార్చి 25 నుంచి ప్రధాని మోదీ ప్రకటించిన లాక్ డౌన్ అమల్లోకి వచ్చింది.

దీన్ని వల్ల భారత ఆర్థిక వ్యవస్థ ఒక్కసారిగా స్తంభించిపోయింది. ప్రజలు ఇళ్లకే పరిమితమయ్యారు. ఫ్యాక్టరీలు, వ్యాపారాలు మూతపడ్డాయి. సంక్షిప్తంగా చెప్పుకోవాలంటే భారత్‌లో 70 శాతం ఆర్థిక కార్యకలాపాలు నిలిచిపోయాయి. నిత్యావసర వస్తువులు సేవలు మినహా మిగతా అన్ని రంగాల కార్యకలాపాలు ఒక్కసారిగా నిలిచిపోయాయి. అయితే కరోనా కట్టడి కోసం మరికొన్ని రోజుల పాటు లాక్ డౌన్ విధించాలని ఇప్పటికే అనేక రాష్ట్రాలు స్పష్టం చేశాయి.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss