Wednesday, April 21, 2021

Latest Posts

పాపం.. ఆ ఇద్దరి ఛాన్స్ కోసం అనిల్ వెయిట్

ఇండస్ట్రీలో రొటీన్ కథల్ని కూడా కమర్షియల్ హిట్లుగా మలిచే స్కిల్ కొందరికే ఉంటె, రొటీన్ గా కాకుండా.. వైవిధ్యం ఉన్న కథల్ని ఎంచుకుని సత్తా చాటే దర్శకులకు ఉండే గుర్తింపు వేరు. ఇటీవల వరుస హిట్లు అందుకున్న అనీల్ రావిపూడి ఒకటో కేటగిరిలోకే వస్తాడు. 2019 సంక్రాంతికి ఎఫ్ 2 తో బ్లాక్ బస్టర్ అందుకుని, 2020 సంక్రాంతికి సరిలేరు నీకెవ్వరు రూపంలో సక్సెస్ అందుకున్నాడు. అయితే ఈ రెండు సినిమాలు రొటీన్ కథలతో తెరకెక్కినవే. కామెడీని ఎగ్జిక్యూట్ చేయడంలో తనదైన శైలితో ఎంటర్ టైన్ చేసినా రొటీన్ ఫ్లేవర్ రిపీటవుతోందన్న విమర్శ అయితే వచ్చేసింది. రవితేజ – మహేష్ లాంటి స్టార్లతో సినిమాలు చేసిన కాన్ఫిడెన్స్ తో మెగాస్టార్ చిరంజీవి, జూనియర్ ఎన్టీఆర్ లాంటి టాప్ స్టార్లకు స్క్రిప్టు వినిపించే పనిలో ఉన్నాడట. అయితే ఆ ఇద్దరూ వెంటనే అవకాశాలిచ్చేస్తారా మరి.

పటాస్ , రాజా ది గ్రేట్, ఎఫ్ 2 లాంటి చిత్రాల్లో కొన్ని అసహజమైన లాజిక్ లేని సన్నివేశాలు ఎంచుకున్నా.. తనదైన మార్క్ కామెడీతో అనిల్ మెప్పించగలిగాడు.కొన్ని లోటుపాట్లు ఉన్నా జనం వాటిని పట్టించుకోలేదు. కానీ సరిలేరు నీకెవ్వరు చిత్రం విషయంలో ఆ మ్యాజిక్ రిపీటవ్వలేదు. కాస్త ఎఫ్ 2 తరహా కామెడీని రిపీట్ చేశాడన్న విమర్శలూ ఎదురయ్యాయి. అలాగే సెకండాఫ్ పరంగా అనీల్ రావిపూడి వీక్ నెస్ బయటపడిందని విశ్లేషకుల వాదన.

అలాంటి కొన్ని మైనస్ లు ఉన్నప్పుడు.. చిరంజీవి స్థాయి లాంటి పెద్ద హీరోని అనిల్ ఎలా హ్యాండిల్ చేస్తాడనేది ప్రశ్న. సరిలేరులో ముఖ్యంగా సెకండాఫ్ ట్రీట్ మెంట్ పరంగా అనీల్ మరింత స్ట్రాంగ్ అవ్వాల్సి ఉందంటున్నారు. అందుకే మారిన ట్రెండ్ లో కొత్త పంథా కథల్ని ఎంచుకుని అందులో కామెడీ ట్రీట్ ని ఇవ్వాలి. కథల్లో ఇన్నోవేషన్ .. సీన్స్ లో రినోవేషన్ ఉండాల్సిందే. అలా కాకుండా శ్రీనువైట్ల రూట్ లో రొటీన్ గా చేస్తే అనీల్ కి పెద్ద మైనస్ అవ్వక తప్పదు. కామెడీ సినిమాలు తీసే దర్శకులంతా ఫేడవుట్ అయిన నేపథ్యంలో అనీల్ కి అన్నీ కలిసొస్తున్నాయి. అయితే ట్రెండ్ కి తగ్గట్టు ఉండాలి అంటున్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss