Thursday, May 13, 2021

Latest Posts

కాంగ్రెస్ పై శివసేన ఎంపీ మండిపాటు

arvind sawant strong comments on congress:

మొన్నటి ఎన్నికల వరకూ కాంగ్రెస్ ,శివసేన బద్ధశత్రువులు. కానీ కాంగ్రెస్ మద్దతుతో మహారాష్ట్రలో శివసేన ప్రభుత్వం ఏర్పాటుచేసింది. అయితే తాజాగా శివసేన తన మిత్రపక్షమైన కాంగ్రెస్‌పై తీవ్రంగా ధ్వజమెత్తింది. ఢిల్లీలో జరిగిన ఓ కార్యక్రమంలో శివసేన ఎంపీ అరవింద్ సావంత్ పాల్గొన్నారు. తీవ్రవాదుల చేతుల్లో జవాన్లు వీర మరణం పొందినప్పుడు గానీ, జమ్మూకశ్మీర్‌లో త్రివర్ణ పతాకాన్ని తగులబెట్టినపుడు గానీ కాంగ్రెస్ మౌన ప్రేక్షకుడిలా’ ఉండిపోయిందని ఆయన తీవ్రంగా ధ్వజమెత్తారు.
ఆర్టికల్ 370 ని రద్దు చేసినందకు శివసేన పక్షాన ప్రధాని మోదీకి ఆయన ధన్యవాదాలు తెలిపారు.

ఆర్టికల్ 370 ని రద్దుచేయాలన్నది శివసేన వ్యవస్థాపకుడు బాల్‌థాకరే చిరకాల వాంఛ గా ఆయన పేర్కొన్నారు. దానిని మోదీ నేతృత్వంలోని కేంద్ర ప్రభుత్వం తీర్చిందని ప్రశంసించారు. ‘‘తీవ్రవాదుల చేతుల్లో జవాన్లు వీరమరణం పొందినా కాంగ్రెస్ ఎన్నడూ బాధపడలేదు. భారత్ మాతాకీ జై అనడానికి కేంద్ర ప్రభుత్వ అనుమతి అవసరం లేదు’’ అని ఆయన వ్యాఖ్యానించారు.

తీవ్రవాదుల చేతుల్లో అధిక సంఖ్యలో జవాన్లు వీరమరణం పొందినా సరే, కాంగ్రెస్ కనీసం బాధను కూడా వ్యక్తం చేయలేదని, రక్షణ బలగాలపై కశ్మీరీ యువత రాళ్లు విసినా సరే కనీసం స్పందించలేదని సావంత్ తీవ్రంగా ధ్వజమెత్తారు. జమ్మూకశ్మీర్ ప్రజల్లో మరింత ధైర్యాన్ని నింపాల్సిన బాధ్యత ఉందని, తొందరగా జమ్మూకశ్మీర్‌లో శాంతి నెలకొనాలని సావంత్ సూచించారు

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss