Wednesday, April 21, 2021

Latest Posts

కొత్త ఈసీ  నోట ఎన్నికల మాట 

Be prepared local body elections in AP says kanagaraj New SEC

ఎపి కి  కొత్త గా వచ్చిన ఎన్నికల కమీషనర్ నోట ఎన్నికల మాట విన్పించింది. నిమ్మగడ్డ రమేష్‌కుమార్‌ను తొలగించి కనగరాజును ఎస్‌ఈసీగా నియమించడం,దీనికి  గవర్నర్ ఆమోదముద్ర కూడా పడడంతో ఆయన లాక్‌డౌన్ సమయంలోనే చెన్నై నుంచి విజయవాడ వచ్చి బాధ్యతలు స్వీకరించారు. ఎన్నికల కమిషనర్ పదవికాలాన్ని కుదిస్తూ.. ప్రభుత్వం ఆర్డినెస్స్ తెచ్చి.. నిమ్మగడ్డ రమేష్‌కుమార్ పదివికాలం ముగిసినట్లు ఉత్తర్వులిచ్చింది. అంతేకాదు తెల్లారేసరికి కనగరాజును నియమిస్తూ రహస్య జీవో జారీ చేసింది. శనివారం ఉదయం ఆయన విజయవాడకు వచ్చి బాధ్యతలు స్వీకరించారు.

బాధ్యతలు చేపట్టి, ఎన్నికల కమిషనర్ కార్యాలయంలోని విభాలను పరిశీలించారు. అక్కడ అధికారులను పరిచయం కూడా చేసుకున్నారు. ఆ తర్వాత గవర్నర్‌ను మర్యాదపూర్వకంగా కలుసుకున్నారు.  తాజాగా  ఎన్నికల  కమిషనర్ అధికారులతో ఎస్‌ఈసీ కనగరాజ్ సమావేశమయ్యారు. స్థానిక సంస్థల ఎన్నికలు ఎప్పుడు నిర్వహించాల్సి వచ్చినా సిద్ధంగా ఉండాలని అధికారులను ఆయన  ఆదేశించారు. కరోనా ప్రభావం కారణంగా అసాధారణ పరిస్థితి నెలకొందని, సమాయనుగుణంగా కార్యాచరణ ప్రణాళికలు రూపొందించుకోవాలని అధికారులకు సూచించారు.

గాంధీజీ కలలుగన్న గ్రామ స్వరాజ్య స్థాపనలో పంచాయతీ రాజ్ వ్యవస్థ కీలకపాత్ర పోషిస్తుందన్నారు. చివరి వ్యక్తి వరకూ ప్రభుత్వ అభివృద్ధి కార్యక్రమాలు చేరువ కావాలని ఈసీ కనగరాజ్ పేర్కొన్నారు. స్థానిక సంస్థల ఏర్పాటు ఇందులో చాలా కీలకమని కనగరాజ్ పేర్కొన్నారు. జడ్పీటీసీ, ఎంపీటీసీ, మున్సిపల్, పంచాయతీ ఎన్నికలు ఎప్పుడు నిర్వహించాల్సి వచ్చినా సర్వం సమాయత్తంగా ఉండాలని సూచించారు. సమాయనుగుణంగా కార్యాచరణ ప్రణాళికలు రూపొందించుకోవాలని ఆయన సూచించారు.  స్థానిక ఎన్నికల సమయంలో ప్రవర్తనా నియమావళి అతికీలకమని కనగరాజ్ వ్యాఖ్యానించారు

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss