Thursday, January 21, 2021

Latest Posts

కరోనాతో మేలు కూడా జరుగుతోందట

benefits of the coronavirus in the world

కరోనా వైరస్ మహమ్మారితో ప్రపంచ దేశాలు వణికిపోతుంటే, మరోపక్క ఈ వైరస్  ఎంతగా ప్రబలుతుంటే అంతగా భూగోళానికి మేలు చేస్తోందన్న మాటలు వినిపిస్తున్నాయి.  మానవ సమాజంతో భూగోళంలో విపరీత మార్పులు చోటుచేసుకుంటున్నాయి. భూతాపం భారీగా పెరిగిపోయి వాతావరణ పరిస్థితులు పూర్తిగా మారిపోతున్న సమయంలో కరోనా వైరస్ మానవజాతిపై తీవ్ర ప్రభావం చూపింది. ముఖ్యంగా   కరోనా వైరస్ కి  భయపడి ప్రజలందరూ ఇళ్లకే పరిమితమయ్యారు. లాక్ డౌన్ కారణంగా ఇంటి పట్టునే ఉంటున్నారు. మనిషి  తన మేధాశక్తితో భూగర్భం నుంచి ఆకాశం వరకు అనేక ఆవిష్కరణలు చేశాడు. అంతటి మేధావిని భయపెట్టి ఇంట్లో కూర్చోపెట్టిన ఘనత ఒక్క కరోనా వైరస్ కే దక్కింది.

లాక్ డౌన్ తో ప్రజలందరూ ఇళ్లకే పరిమితమవ్వడంతో  భూగోళానికి చాలా మేలు చేసింది. ఈ క్రమంలో దాదాపు 70 ఏళ్ల నాటి కాలుష్యం తగ్గిందని పలు సంస్థలు వెల్లడిస్తున్నాయి. వాస్తవంగా 1939 నుంచి 1945 వరకు రెండో ప్రపంచ యుద్ధం జరిగింది. ఆ సమయంలో ప్రపంచంలో అత్యధిక కాలుష్యం నమోదైంది. ఆ తరువాత కొన్నాళ్ల వరకు ఆ కాలుష్యం కొనసాగుతూనే ఉండగా మధ్యలో కొన్ని పరిణామాలు జరిగి తగ్గుముఖం పట్టింది. అయితే పరిశ్రమలు పెరగడం, వాహనాల రాకపోకలు భారీగా ఉండడం వలన  గాలిలోకి విడుదలయ్యే కార్బన్ డై ఆక్సైడ్ భారీగా పెరిగిపోయింది. అలాంటి కాలుష్యం ఇప్పుడు లాక్ డౌన్ వలన పూర్తిగా తగ్గిపోతోందట.

ప్రధాన దేశాలు పూర్తిగా లాక్ డౌన్ ప్రకటించడంతో  పరిశ్రమలు కూడా మూతపడ్డాయి.   కార్బన్ డై ఆక్సైడ్ ను అధికంగా విడుదల చేసే పరిశ్రమలు మూతపడడం – విమానాల రాకపోకల నిలుపుదల – వాహనాల రాకపోకలపై నిషేధం వంటి వాటితో కార్బన్ డై ఆక్సైడ్ చాలా వరకు కనిపించడం లేదట. 70 ఏళ్లుగా పెరిగిపోతున్న కాలుష్యం ఈ జనవరి నుంచి క్రమంగా తగ్గుతూ వచ్చిందని పర్యావరణవేత్తలు – పలు సంస్థలు అంటున్నాయి. భారతదేశంతోపాటు అనేక దేశాల్లోని వాతావరణంలో ఇప్పటివరకు 5 శాతం మేర కార్బన్ డై ఆక్సైడ్ తగ్గిపోయినట్టు పర్యావరణవేత్తలు చెబుతున్నారు.  మరో రెండు నెలలు ఇలాంటి పరిస్థితులే కొనసాగితే మాత్రం భూగోళానికి ఎంతో మేలు ఉంటుందట. కనీసం 20శాతం మేర కార్బన్ డై ఆక్సైడ్ వాతావరణంలో తగ్గిపోయి మంచి వాతావరణం ఏర్పడుతుందని అంటున్నారు.  ఆక్సిజన్ శాతం మెరుగుపడుతుందని ఆశాభావం వ్యక్తం చేస్తున్నారు. మొత్తానికి కరోనా ఇలా  మేలు కూడా చేస్తోందట.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss