Wednesday, April 21, 2021

Latest Posts

ఆరోగ్య మంత్రికి తప్పని కరోనా ఎఫెక్ట్  

Britain’s Health Minister Nadine Doris Infected with Coronavirus:

ప్రపంచానికి కునుకు లేకుండా చేస్తున్న కరోనా వైరస్ వాళ్ళూ వీళ్లూ అని లేదు. చివరకు ఆరోగ్య మంత్రిని సైతం తాకింది. వివరాల్లోకి వెళ్తే,  యునైటెడ్ కింగ్‌డమ్ (యూకే) వైద్యఆరోగ్య శాఖ మంత్రి నాడిన్ డోరీస్‌కు కరోనా వైరస్ సోకింది.  ఆమెకు వైద్యపరీక్షలు చేయగా కరోనావైరస్ పాజిటివ్ అని తేలింది. వైద్యుల సలహాపై తాను ముందుజాగ్రత్త చర్యగా ఇంట్లోనే ఐసోలేషన్ గదిలో ఉంటున్నానని నాడిన్ డోరీస్ జారీ చేసిన ఓ ప్రకటనలో తెలిపారు. డోరీస్ గతంలో 2019 నుంచి స్టేట్ ఫర్ హెల్త్ అండ్ సోషల్ కేర్ పార్లమెంటరీ అండర్ సెక్రటరీగాను పనిచేశారు.

యూకేలో కరోనా వైరస్ వచ్చిన మొట్టమొదటి ప్రజాప్రతినిధిగా డోరీస్ నిలిచారు. ‘‘నేను చేయించుకున్న పరీక్షల్లో కరోనా వైరస్ పాజిటివ్ అని వచ్చింది. వైద్యుల సలహాపై నేను ఇంట్లోనే స్వయం ఐసోలేషన్ గదిలో ఉండి చికిత్స పొందుతున్నాను’’ అని డోరీస్ పేర్కొన్నారు.అయితే  ఆమె గత వారం రోజుల్లో ఎవరెవరిని కలిశారో తెలుసుకునేందుకు బ్రిటన్ వైద్యఆరోగ్యశాఖ అధికారులు ప్రయత్నిస్తున్నారు. కరోనా వైరస్‌తో పోరాడటానికి మంత్రి డోరీస్ చట్టాన్ని రూపొందించి, అదే వైరస్ బారిన ఆమె పడటం కలవరం రేపింది.

కన్జర్వేటివ్ ఎంపీ, వైద్యశాఖ మంత్రి అయిన డోరీస్ గత వారంరోజుల్లో యూకే ప్రధానమంత్రి బోరిస్ జాన్సన్‌తో సహా వందలాది మందితో సన్నిహితంగా మెలిగారని బ్రిటన్ వైద్యాధికారులు చెప్పారు. కరోనా వైరస్ చికిత్సకు బీమా కంపెనీల రక్షణ కల్పిస్తూ మంత్రి డోరీస్ జారీ చేసిన ఆదేశాల్లో సంతకం చేశారు. ‘‘కరోనా వైరస్ నివారణకు కృషి చేస్తున్న నాడిన్ కు ఈ వైరస్ సోకిందని తెలిసి నేనెంతో బాధపడ్డాను…సారీ డోరీస్.’’ అంటూ ఆమె బాస్ మాట్ హాన్కాక్ ట్వీట్ చేశారు. కాగా  యూకేలో ప్రస్తుతానికి  380 మందికి కరోనా వైరస్ సోకగా, ఇందులో ఆరుగురు మరణించారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss