Wednesday, April 21, 2021

Latest Posts

ఉహాన్‌ గబ్బిలాల మార్కెట్‌లో తీసిన చివరి సినిమా గా బర్నింగ్ స్టార్ మూవీ “?”…!!

బర్నింగ్ స్టార్ సంపూర్ణేష్ బాబు.. తెలుగు సినిమా ప్రేక్షకులకు పరిచయం అవసరంలేని హీరో. ఆయన చేసినవి పారడీ సినిమాలే అయినా… ఆయన ఇమేజ్ మాత్రం స్టార్ హీరో రేంజ్‌లో ఉంది. కేవలం నటుడిగానే కాకుండా సామాజిక, సేవ కార్యక్రమాలలో చురుగ్గా పాల్గొంటు..పెద్ద హృదయం ఉన్న చిన్న హీరోగా తనకంటూ ఒక ఇమేజ్‌ను ఏర్పరుచుకోగలిగాడు సంపూ. కరోనా కష్టకాలంలో సినీ పరిశ్రమకు చెందిన రోజువారీ వేతన కార్మికులను ఆదుకోవడానికి మెగాస్టార్ చిరంజీవి సారథ్యంలో ఏర్పాటుచేసిన కరోనా క్రైసిస్ చారిటీకి లక్ష రూపాయలు విరాళంగా ఇచ్చి తన దాతృత్వాన్ని మరో సారి చాటుకున్నారు సంపూర్ణేష్ బాబు. ఇకపోతే ‘బి ద రియల్ మ్యాన్’ ఛాలెంజ్‌లో భాగంగా స్టార్ హీరోలు, దర్శకులు ఇళ్లలో పనులు చేస్తూ వీడియోలు పెడితే.. సంపూర్ణేష్ బాబు మాత్రం తన కులవృత్తి కంసాలి పని చేస్తూ.. తన భార్యకి, కూతురికి మెట్టెలు, గజ్జెలు తయారు చేశారు.

కిందటేడాది ‘కొబ్బరిమట్ట’ చిత్రం తో ప్రేక్షకుల ముందుకు వచ్చిన సంపూ.. ఈ ఏడాది మరో ఆసక్తికర చిత్రంతో ప్రేక్షకుల ముందుకు రాబోతున్నాడు. తన పుట్టినరోజు సందర్భంగా మే 9న… ఆ చిత్ర విశేషాలను, ఫస్ట్ లుక్ పోస్టర్లను విడుదల చేశారు సంపూ. ఈ సందర్భం గా మాట్లాడుతూ… విదేశాల్లో అత్యంత భారీ బడ్జెట్‌తో, ఒళ్ళు గగుర్పొడిచే గ్రాఫిక్స్‌తో ఈ చిత్రం రూపొందిందని చెప్పటం జరిగింది. ఈ సినిమా పేరు కాస్త వెరైటీ గా “?” అని పెట్టటం జరిగింది. ఇక ఈ సినిమా ఉహాన్‌ గబ్బిలాల మార్కెట్‌లో చిత్రీకరించిన చివరి సినిమా కావటం విశేషం. మెడికల్ హారర్‌గా తెరకెక్కిన ఈ సినిమాను జూలై 30న విడుదల చేయనున్నట్టు కూడా సంపూ ప్రకటించారు. ‘హృదయకాలేయం’, ‘కొబ్బరిమట్ట’ సినిమాలను అందించిన అమృత ప్రొడక్షన్స్ సంస్థ ఈ చిత్రాన్ని కూడా నిర్మించడం జరిగింది. ఈ సినిమాకు నోలన్ మౌళి రచన, దర్శకత్వం అందించారు. ఇది సంపూర్ణేష్ బాబు కి 10వ చిత్రం కావడం మరో విశేషం.

Must See :చారిత్రక కధాంశాలతో తెరకెక్కుతున్న తెలుగు స్టార్స్ సినిమాలు

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss