Wednesday, April 21, 2021

Latest Posts

వాళ్ళతో కలిసి సంక్రాంతి సెలబ్రేట్ చేసుకుంటా

సూపర్ మూవీతో టాలీవుడ్ గా హీరోయిన్ గా ఎంట్రీ ఇచ్చిన అనుష్క శెట్టి అనతికాలంలోనే స్టార్ డమ్ సొంతం చేసుకుంది. అరుంధతి, బాహుబలి, భాగమతి వంటి సినిమాల్లో తన నటనతో ఈ టాలీవుడ్‌ బ్యూటీ అభిమానులను మెస్మరైజ్‌ చేసింది. ఏ పాత్రలో అయినా స్వీటీ ఇట్టే ఒదిగిపోయి జీవిస్తుందన్న పేరు తెచ్చుకుంది. అయితే అనుష్క స్క్రీన్‌పై కనిపించి ఏడాది దాటిపోయింది. 2018లో విడుదలైన భాగమతినే అభిమానులకు ఈ భామ చివరిసారి కనిపించింది.

అయితే ఓ సంవత్సరం గ్యాప్‌ తర్వాత హేమంత్‌ మధుకర్ దర్శకత్వంలో తెరకెక్కుతున్న నిశ్శబ్దం సినిమాలో ఈ యోగా భామ చేస్తోంది ఈ సినిమాలో అనుష్క దివ్యాంగురాలిగా కనిపిస్తుందట. మాధవన్‌, అంజలి, పాలినీ పాండే, హాలీవుడ్‌ నటుడు మైఖేల్‌ మ్యాడ్సన్‌ కీలక పాత్రల్లో నటిస్తున్నారు. ఓ వైపు చిత్రీకరణ జరుపుకుంటున్న ఈ సినిమా మరోవైపు మూవీకి సంబంధించి పోస్టర్లు, టీజర్‌ను చిత్ర యూనిట్‌ విడుదల చేస్తోంది. సినిమా షూటింగ్‌ చివరి దశకు చేరుకోవడంతో ఈ నెల చివరన లేదా వచ్చే నెల మొదటి వారంలో విడుదల చేయడానికి చిత్ర మూనిట్‌ సన్నాహాలు చేస్తోందని టాక్. తెలుగుతోపాటు కన్నడం, తమిళం, హిందీ భాషల్లో ఈ మూవీ విడుదల కానుంది.

తాజాగా అనుష్క తన రాబోయే సినిమా నిశ్శబ్దంకు సంబంధించిన పనులను చూసుకోడానికి ఓ ప్రైవేటు స్టూడియో కి వచ్చింది. తన వ్యక్తిగత జీవితాన్ని అందరితో పంచుకోవడానికి ఎక్కువగా ఇష్టపడని అనుష్క.. అక్కడ ఏర్పాటు చేసిన ప్రెస్‌ కాన్ఫరెన్స్‌లో మీడియా అడిగిన పలు ప్రశ్నలకు సమాధానం ఇచ్చింది. నిశ్శబ్దం ప్రమోషన్‌ కార్యక్రమాల్లో పాల్గొనడం లేదు ఏంటి అని ఓ విలేఖరి అడగ్గా.. ఇంకా సమయం ఉంది. వచ్చే వారం నుంచి ప్రారంభిస్తా’ అని చెప్పింది. కుటుంబంతో కలిసి సంక్రాంతి జరుపుకోడానికి సొంతూరు బెంగళూరుకు వెళ్తున్నట్లు మరో ప్రశ్నకు సమాధానంగా ఆమె చెప్పింది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss