Thursday, March 4, 2021

Latest Posts

లాక్ డౌన్ పొడిగింపు దిశగా అడుగులు!

central government announced lockdown period has been extended

ఈ పాటికి ఇండియాలో  లాక్‌డౌన్‌ లేకుంటే కరోనా కరాళ నృత్యం చేసేది. దేశంలో మార్చి 25 నుంచి 21 రోజుల లాక్‌డౌన్‌ దేశంలో కొనసాగుతోం ది. నిత్యావసరాలను, అత్యవసర సేవల సిబ్బందిని మాత్రమే రోడ్లపైకి అనుమతిస్తున్నారు. లాక్‌డౌన్‌ ఏప్రిల్‌ 14 వరకు ఉంది. అయితే, కరోనావైరస్‌ వ్యాప్తి నేపథ్యంలో లాక్‌డౌన్‌ ఎత్తేస్తే పరిస్థితి ఘోరంగా తయారవుతుందని భయాందోళనలు వ్యక్తమవుతున్నాయి.  లాక్ డౌన్ తొలగిస్తే, ఒక కరోనా రోగి కేవలం 30 రోజుల్లో మరో 406 మందికి వైర్‌సను అంటించగలడు. అదే లాక్‌డౌన్‌ అమలవుతూ, ప్రజలంతా భౌతిక దూరం పాటించే పరిస్థితి ఉంటే ఒక కరోనా రోగి నుంచి కేవలం 2.5 మందికే ఇన్ఫెక్షన్‌ సోకుతుంది.

ఐసీఎంఆర్‌ ఈమేరకు  స్పష్టం చేసిందని   కేంద్ర ఆరోగ్యశాఖ సంయుక్త కార్యదర్శి లవ్‌ అగర్వాల్‌ వెల్లడించారు. ప్రస్తుతం ఒక కరోనా బాధితుడి నుంచి ఇతరులకు ఇన్ఫెక్షన్‌ సోకే రేటు దేశంలోని వివిధ ప్రాంతాల్లో సగటున 1.5 నుంచి 4 మధ్యలో ఉందన్నారు. లాక్‌డౌన్‌ ప్రభావంతో చాలామేరకు వైరస్‌ వ్యాప్తి వేగం తగ్గిందన్నారు. అందుకే  దేశవ్యాప్తంగా లాక్‌డౌన్‌ పొడిగింపు దిశగా అడుగులు పడుతున్నాయి. చాలా రాష్ట్రాలు లాక్‌డౌన్‌ను ఏప్రిల్‌ 14కు మించి పొడిగించాలని కోరుతున్నాయని, నిపుణులు కూడా అదే సూచిస్తున్నారని కేంద్ర ప్రభుత్వ వర్గాలు తెలిపాయి. తామూ పొడిగింపు దిశగా ఆలోచిస్తున్నట్లు వెల్లడించాయి. అయితే, తుది నిర్ణయమేదీ తీసుకోలేదని, ఊహాగానాలకు వెళ్లొద్దని అంటున్నా, కొనసాగింపు తప్పదని అంటున్నారు.

ప్రధాని మోదీ  సుదీర్ఘ పోరాటానికి సిద్ధంగా ఉండాలని దేశ ప్రజలకు ఇప్పటికే  పిలుపునిచ్చారు. లాక్‌డౌన్‌ను పొడిగించాలని కేంద్రాన్ని తెలంగాణ సీఎం కేసీఆర్‌ కోరారు. కర్ణాటక, మధ్యప్రదేశ్‌, రాజస్థాన్‌, మహారాష్ట్ర,ఉత్తర ప్రదేశ్  కూడా పొడిగింపు అంటున్నాయి. ఇక  వచ్చే ఏడు రోజులు దేశ ప్రజలకు కీలకమని ఉపరాష్ట్రపతి వెంకయ్యనాయుడు అన్నారు. ఈ ఏడు రోజుల ప్రగతిని బట్టే లాక్‌డౌన్‌ ఎత్తివేత వ్యూహం ఉంటుందని చెప్పారు. కేంద్ర ప్రభుత్వం ఏ నిర్ణయం తీసుకున్నా ప్రజలు సహకరించాలని ఆయన  కోరారు. ప్రజల ఆరోగ్యం, ఆర్థిక వ్యవస్థల మధ్య దేన్ని ఎంచుకోవాలన్నపుడు తాను ప్రజారోగ్యానికే ఓటేస్తానని చెప్పారు. ఆర్థిక వ్యవస్థ మరో రోజు వరకు ఆగుతుందని, ప్రజారోగ్యానికి ఆ వెసులుబాటు లేదన్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss