Saturday, May 15, 2021

Latest Posts

కరోనాపై కేంద్రం కీలక ఆదేశాలు 

Central Govt has key directions on Coronavirus cases:

కరోనా వైరస్‌పై పోరాటం కోసం కేంద్ర ఆరోగ్యశాఖ కొత్త మార్గదర్శకాలు రూపొందించింది. బహిరంగ ప్రదేశాలకన్నా, నివాస ప్రాంతాల్లోనే కరోనా ముప్పు ఎక్కువ ఉందంది. మరీ ముఖ్యంగా కరోనా పాజిటివ్‌ కేసులున్న ప్రాంతాల్లో లిఫ్టులు, ఎలివేటర్లలాంటివి వాడకపోవడమే మంచిదని పేరొంది. గేటు హ్యాండిల్స్‌, లిఫ్ట్‌ బటన్స్‌, ఎప్పటికప్పుడు… సోడియం హైపో క్లోరైడ్‌ లాంటి రసాయనాలతో శుభ్రం చేయాలని సూచించింది.

బహిరంగ ప్రదేశాల్లో గాలి వెలుతురు ధారాళంగా ఉంటాయని, అందుచేత  కరోనా ముప్పు కాస్త తక్కువ ఉంటుందని, నివాస ప్రాంతాల్లో మరిన్ని జాగ్రత్తలు తీసుకోవాల్సిన సమయమిదని కేంద్ర ఆరోగ్యశాఖ పేర్కొంది.  కాగా దేశంలో కరోనా వైరస్‌ కేసులు 1,024కు పెరిగాయి. తాజాగా గుజరాత్‌, జమ్మూ కశ్మీర్‌లో రెండు మరణాలు నమోదయ్యాయి. దీంతో దేశంలో మృతుల సంఖ్య 27కు చేరింది. కేరళలో ఆదివారం ఒక్కరోజే  20 కేసులు నమోదవడంతో ఆ రాష్ట్రంలో కేసులు 181కు పెరిగాయి. మహారాష్ట్రలో కొత్తగా మూడింటితో మొత్తం కేసులు 196కు చేరాయి.

కర్ణాటకలోనూ కరోనా విజృంభిస్తోంది. ఆ రాష్ట్రంలో కేసుల సంఖ్య 83కు పెరిగింది. కేరళలో హోమ్‌ క్వారంటైన్‌లో  అబ్జర్వేషన్‌లో ఉన్న ఇద్దరు మృతిచెందారు.  ఒకరి వయసు 65 ఏళ్లు. ఈ నెల 21న ఆయన విదేశాల నుంచి తిరిగొచ్చారు. కరోనా లక్షణాలు కనిపించకపోయినా నిబంధనల ప్రకారం ఆయనను ఇంటి వద్ద క్వారంటైన్‌లో ఉంచారు. ఆదివారం గుండెపోటు వచ్చి మృతిచెందాడు. మరో వ్యక్తి వయసు 41 ఏళ్లు. కొట్టాయం జిల్లాకు చెందిన లారీ డ్రైవర్‌. ఈ నెల 18న ముంబై నుంచి వచ్చాక హోం క్వారంటైన్‌లో ఉంచారు. ఇంట్లో ఉండగా స్పృహ కోల్పో యి మృతిచెందాడు. గోవా వైద్య కళాశాల ఆస్పత్రిలో క్వారంటైన్‌లో ఉన్న 68 ఏళ్ల మహిళ మరణించింది. ఆమె నమూనాల పరీక్షా ఫలితాలు రావాల్సి ఉందని వైద్యులు అంటున్నారు

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss