Wednesday, December 1, 2021

Latest Posts

కేంద్ర ఆరోగ్యమంత్రి సెక్యూర్టీ గార్డ్ కి కరోనా

central health minister harsh vardhan security guard has infected corona

వాళ్ళు వీళ్లూ అని లేదు .. ఆ దేశం ,ఈ దేశం అని లేదు … కరోనా మహమ్మారి అన్నిచోట్లా కమ్మేస్తోంది. ఈ మహమ్మారితో  ప్రపంచమంతా గజగజ లాడిపోతోంది.    మన దేశంలో కల్లోలం సృష్టిస్తున్న కరోనా వైరస్ సాక్షాత్తూ కేంద్ర ఆరోగ్యశాఖ మంత్రి హర్షవర్ధన్ ఓఎస్డీగా పనిచేస్తున్న సెక్యూరిటీ గార్డుకు సోకింది. కేంద్ర మంత్రి ఓఎస్డీకి కరోనా వైరస్ సోకడంతో మంత్రి సిబ్బంది ఆందోళన చెందుతున్నారు.

కేంద్రఆరోగ్యశాఖ మంత్రి కార్యాలయం ఉన్న ఆల్ ఇండియా మెడికల్ సైన్సెస్ టీచింగ్ బ్లాక్ లో మంత్రి సెక్యూరిటీ గార్డుగా పనిచేస్తున్న వ్యక్తికి (ఓఎస్డీకి ) కరోనా సోకడంతో అతన్ని ఎయిమ్స్ కు తరలించారు. ఓఎస్డీ కార్యాలయాన్ని శానిటైజ్ చేయడంతోపాటు అతనితో కలిసి పనిచేసిన వారిని సెల్ప్ క్వారంటైన్ చేశారు. డేకేర్ కేన్సర్ సెంటరులో పనిచేస్తున్న ఓ నర్సుకు కూడా కరోనా సోకడంతో ఆమెను  ఆసుపత్రికి తరలించారు.

నర్సుకు కరోనా వచ్చిందని తేలడంతో కీమోథెరపీ చికిత్సకు వచ్చిన రోగులందరినీ సెల్ఫ్ క్వారంటైన్ చేశారు. సెక్యూరిటీ గార్డు కేంద్రమంత్రి హర్షవర్దన్ తోపాటు ఎవరెవరినీ కలిశారనే విషయంపై వైద్యులు ఆరా తీస్తున్నారు. కరోనా వచ్చిన గార్డుతో సన్నిహితంగా మెలిగిన వారిని గుర్తించే పనిలో పోలీసులు నిమగ్నమయ్యారు. కాగా ఎపి గవర్నర్ సిబ్బందిలో నలుగురికి కరోనా సోకినట్లు వార్తలొచ్చాయి.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss