Wednesday, April 21, 2021

Latest Posts

విమర్శలు గుప్పిస్తూ చంద్రబాబుని ప్రశ్నించిన స్పీకర్

 స్పీకర్లు రాజకీయాలు మాట్లాడకూడదని,విమర్శలు కాకుండా సూచనలు చేయాలనీ అంటుంటారు. కానీ ఇప్పుడు సీన్ మారిపోతోంది. ఎపి రాజధాని వ్యవహారంలో స్పీకర్ తమ్మినేని సీతారాం నేరుగా ప్రతిపక్ష నేత మీద  విమర్శలు గుప్ప్పించేసారు.     అమరావతి పేరుతో చంద్రబాబు రియల్ ఎస్టేట్ వ్యాపారం చేశారని తీవ్రస్థాయిలో విమర్శలు చేశారు.. అమరావతి విషయంలో ఇన్ సైడర్ ట్రేడింగ్ చేశారని.. ఆయన తాబేదార్లు – రాజకీయ బ్రోకర్లు వేలాది ఎకరాలు కొన్నారని స్పీకర్  ఆరోపించారు.  అంతేకాదు, తానేమీ రాజకీయాలు మాట్లాడడం లేదని – రాజధానుల విషయం మాట్లాడుతున్నానంటూ తన వ్యాఖ్యలను సమర్థించుకున్నారు.

    తెలుగుదేశం పార్టీ చంద్రబాబు నిర్ణయాలు కారణంగా  పూర్తిగా భూస్థాపితమయ్యే రోజొస్తుంద ని స్పీకర్ సీతారాం వ్యాఖ్యానించారు. రాజధాని రైతుల వద్ద నుంచి భూములు లాక్కుని వాటిని అమ్మి రాజధాని కడతానని చంద్రబాబు అన్నారని – అది రియల్ ఎస్టేట్ వ్యాపారం కాకపోతే మరేంటని ఆయన ప్రశ్నించారు. చంద్రబాబు విజన్ 2020 అంటే ఏమో అనుకున్నానని, జోలెపట్టి రోడ్డు మీద భిక్షాటన అనుకోలేదని ఎద్దేవా చేశారు. రాష్ట్రాభివృద్ధి కోసం 3 రాజధానుల ప్రతిపాదనలను అందరూ స్వాగతిస్తున్నారని, ముఖ్యంగా  ఉత్తరాంధ్రకు చెందిన వ్యక్తిగా తాను సమర్థిస్తున్నానని  అన్నారు.

   అసలు చంద్రబాబు విశాఖను ఎందుకు వ్యతిరేకిస్తున్నారో చెప్పాలని స్పీకర్  ప్రశ్నించారు.  పరిపాలన వికేంద్రీకరణ జరగాల్సిన అవసరం ఉందని స్పీకర్ చెబుతూ, గతంలో అలా జరగకపోవడం తెలంగాణ విడిపోయిందనీ ఇప్పుడూ అదే తప్పు జరిగితే ఉత్తరాంధ్ర కళింగ ఉద్యమం కూడా రావొచ్చని ఆయన అన్నారు.  అన్ని ప్రాంతాలు సమానంగా అభివృద్ధి చెందితే ఇలాంటి ఇబ్బందులు రావని ఆయన స్పష్టంచేశారు. తాము ఉత్తరాంధ్ర భవిష్యత్తు తరం కోసం పోరాడుతున్నామని చెప్పారు.  

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss