Chennai IIT Student Arrested
లేడీస్ టాయిలెట్ లో సీక్రెట్ షూట్ అరచేతిలోకి సమస్త ప్రపంచం అంటూ వచ్చిపడిన స్మార్ట్ ఫోన్ ,సాంకేతిక పరిజ్ఞానం మంచి కాకుండా చెడుకి ఎక్కువగా వినియోగించే ప్రబుద్ధులు తయారయ్యారు. అసలే మహిళలకు రక్షణ కరువైందని అంటుంటే, టెక్నాలజీ కూడా వారిపాలిట శాపంగా పరిణమించింది. బడి,గుడి,షాపింగ్ మాల్స్ వంటిచోట్ల కూడా అమ్మాయిల రహస్య వీడియో చిత్రీకరించి, వారిని బ్లాక్ మెయిల్ చేస్తున్న ఘటన ఒకటి తాజాగా చెన్నై ఐఐటీలో వెలుగు చూసింది. ఐఐటి మద్రాస్ క్యాంపస్ లోని మహిళల బాత్రూం లో అక్కడి అసిస్టెంట్ ప్రొఫెసర్ రహస్యంగా సెల్ ఫోన్ దాచి అమ్మాయిల అశ్లీల చిత్రాలు రికార్డు చేస్తున్నారట. ఇది తెలిసి అందరూ షాకయ్యారు.
ఇది కూడా చదవండి: సిట్ ఏర్పాటుతో జగన్ సాధించేదేంటి
చెన్నై ఐ ఐ టి లో దేశంలోని పలు రాష్ట్రాల స్టూడెంట్స్ చదువుకుంటుంటారు. అలాగే ఇదే క్యాంపస్ లో అమ్మాయిలకు, అబ్బాయిలకి హాస్టల్ వసతి కూడా ఉంది. అలాగే ఈ క్యాంపస్ లో మహిళలపురుషుల వాష్ రూంలు పక్క పక్కనే ఉన్నాయి. దీన్నే ఆయుధంగా మలచుకున్న ఆ కామాంధుడు ..అమ్మాయిలు ఉపయోగించే టాయిలెట్ లో రహస్యం గా మొబైల్ పెట్టి వీడియోలు షూట్ చేసేవాడు. అయితే రెండు రోజుల క్రితం రాత్రి సమయంలో ఓ 30 ఏళ్ల పిహెచ్డీ విద్యార్థిని అక్కడున్న టాయ్లెట్ కు వెళ్లింది. ఆ సమయంలో అక్కడ చిన్న సైజులో వెళుతురు కనపడ్డంతో అది చూసి ఒక్కసారిగా షాక్ కి గురైంది.
ఆ సమయంలో టాయెలెట్ బయట ఉన్న నీటి కొళాయి లో సన్నటి మార్గం ద్వారా ఒకరు సెల్ఫోన్లో వీడియో తీస్తు న్నట్లు ఆమె గమనించింది. తక్షణం వెంటనే అమ్మాయిల టాయిలెట్ నుండి బయటకి వచ్చి అబ్బాయిల టాయిలెట్ రూమ్ కి గడియ పెట్టి, గట్టిగ అరవడంతో అందరూ అక్కడికి చేరుకున్నారు. అందరూ కలిసి అబ్బాయిల టాయిలెట్ ఓపెన్ చేయగా, అందులో నుండి ఐఐటీ లో పని చేస్తున్న ప్రొఫసర్ శుభం బేనర్జీ బయటకి వచ్చాడు. అతని వద్ద సెల్ఫోన్ తీసుకుని తనిఖీ చేయగా అందులో విద్యార్థినుల అసభ్య చిత్రాలు నమోదై ఉన్నాయి. వెంటనే విద్యార్థినిలు పోలీసులకి ఫిర్యాదు చేశారు. దీనితో కేసు నమోదు చేసిన పోలీసులు ప్రొఫసర్ సుభం బెనర్జిని అదుపులోకి తీసుకొని విచారణ చేస్తున్నారు.