Thursday, May 13, 2021

Latest Posts

మోడీ కొత్తగా ఏంచెప్పారంటూ పెదవి విరిచిన చిదంబరం

Chidambaram is a lip-smacking Modi over lockdown issue

అందరూ ఊహించినట్టీ కరోనా వైరస్(కోవిడ్-19) వ్యాప్తిని అరికట్టేందకు కేంద్రం విధించిన లాక్ డౌన్ పొడిగించింది. ఇప్పటికే 21 రోజుల లాక్‌డౌన్‌ ఈవేలతో ముగుస్తుండగా, మరో 19 రోజులు.. అంటే మే 3వ తేదీ వరకూ పొడిగిస్తున్నట్లు ప్రధానమంత్రి నరేంద్ర మోదీ మంగళవారం జాతిని ఉద్ధేశించి ప్రసంగం చేస్తూ వెల్లడించారు. లాక్‌డౌన్ ముగిసేవరకూ ప్రభుత్వం విధించిన నిబంధనలను ప్రజలు పాటించాలని.. కరోనాను అరికట్టడానికి ఇది ఒకటే మన ముందు ఉన్న మార్గం అని అన్నారు. అయితే కాంగ్రెస్ సీనియర్ నేత చిదంబరం ట్విట్టర్ వేదికగా స్పందిస్తూ, ప్రధాని ప్రసంగంలో కొత్తగా చెప్పిన అంశం ఏముందని ప్రశ్నించారు. లాక్‌డౌన్ పొడగింపును సమర్థిస్తున్నామని ఆయన పేర్కొన్నారు.

అయితే ప్రభుత్వం పేదల గురించి ఏ మాత్రం కూడా పట్టించుకోవడం లేదని మరోసారి రుజువైందని చిదంబరం అన్నారు. ‘‘ప్రధానమంత్రికి మేము నూతన సంవత్సర శుభాకాంక్షలు చెబుతున్నాము. లాక్‌డౌన్ పొడగింపు అనివార్యం అనే విషయం మాకు అర్థమైంది. ఆ నిర్ణయాన్ని మేము సమర్థిస్తున్నాము. కానీ, లాక్‌డౌన్‌ని పక్కన పెడితే.. ప్రధాని నూతన సంవత్సర సందేశంలో ‘కొత్త’ అంశం ఏముంది. పేదల జీవనం, వాళ్ల మనుగడకి ప్రాధాన్యత లేదని మరోసారి రుజువైంది’అని ఆయన వ్యాఖ్యానించారు.

ముఖ్యమంత్రులు కోరిన ఆర్థిక సహాయం గురించి ఒక్క మాట కూడా మాట్లాడలేద ని చిదంబరం గుర్తుచేశారు. ఈ ఏడాది మార్చి 25 న విడుదల చేసిన ప్యాకేజీకి ఒక్క రూపాయి జత చేయలేద ని ఆయన పేర్కొన్నారు.” రఘురామ్ రాజన్ నుంచి జీన్ డ్రేజ్ వరకూ, ప్రభాత్ పట్నాయక్ నుంచి అభిజిత్ బెనర్జీ వరకూ అందరి సూచనలు వాళ్లకు వినిపించడం లేదు. ఈ 21 రోజులే కాకుండా మరో 19 రోజులు.. పేదలు తమ ఆహారం కోసం అభ్యర్థించడంతో పాటు.. తమని తాము రక్షించుకోవాలి. డబ్బులు ఉన్నాయి.. ఆహారం ఉంది. కానీ, ఆ రెండిటిని ప్రభుత్వం మాత్రం విడుదల చేయదు’’ అంటూ చిదంబరం ట్వీట్ చేశారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss