Thursday, January 28, 2021

Latest Posts

గొడుగులతో రండి … సామాజిక దూరం కోసం

Collector Vijaya Karthikeyan Action Announcement over tiruppur people

సామాజిక దూరం పాటించడమే కరోనా వైరస్ మహమ్మారి కట్టడికి ప్రధాన మార్గం అందుకే లాక్ డౌన్ కొనసాగుతోంది. పూర్వంలా గుంపులు గుంపులుగా చేరడానికి కుదరదు. వాక్సిన్ వచ్చేదాకా కరోనా వ్యాప్తి నిరోధించాలంటే ఎక్కువసార్లు సబ్బుతో చేతులు కడుక్కోవడం,సామాజిక దూరం పాటించడం ,మాటిమాటికి కళ్ళు,నోరు ,ముక్కు తాకకుండా ఉండడం వంటివి చేయాల్సిందే. ఇక సామాజిక దూరం పాటించేలా చేయడానికి కేరళ సర్కార్ ఓ ఆలోచన చేసింది. వెంటనే అమల్లో పెట్టింది.

అదేమిటంటె, బయటకు వస్తే గొడుగులతో రావాలని నిబంధన పెట్టారు. ఇప్పుడు తమిళనాడులో కూడా ఇదే అమలు చేస్తున్నారు. ఈమేరకు తిరుప్పూర్ జిల్లా ప్రజలకు కలెక్టర్‌ విజయ్‌కార్తికేయన్‌ పిలుపునిచ్చారు.‌ ఉపాధి కోసం వలస వచ్చిన కార్మికులకు లాక్‌ డౌన్‌ సమయంలో ప్రభుత్వం తరఫున అందజేస్తున్న సహాయాల గురించి తహసీల్దార్లు, రెవెన్యూ అధికారులతో కలెక్టర్‌ సమీక్షాసమావేశం నిర్వహించారు.

అత్యవసర పనుల నిమిత్తం బ యటకు వచ్చే వారు తప్పనిసరిగా గొడుగులతో రావాలని, అప్పుడే సామాజిక దూరం పాటించినట్టు అవుతుందని, ప్రభుత్వం లాక్‌ డౌన్‌ను ఎత్తివేసే వరకు ఈ ఆదేశాలను సలహాగా పాటించాలని కలెక్టర్‌ విజ్ఞప్తి చేశారు. కాగా, మంత్రి ఉడుమలై రాధాకృష్ణన్‌ తిరుప్పూర్‌ ప్రభుత్వాస్పత్రిని సందర్శించి వైద్యశాఖ అధికారులతో చర్చించారు. తిరుప్పూర్‌ జిల్లా వ్యాప్తంగా రెండ్రోజులుగా కరోనా పాజిటివ్‌ కేసులు లేవని, దీన్ని బట్టి ఒకటి, రెండ్రోజుల్లో ఈ జిల్లాను గ్రీన్‌ జోన్‌లోకి తీసుకొచ్చే అవకాశముందని మంత్రి ఆశాభావం వ్యక్తం చేశారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss