Wednesday, April 21, 2021

Latest Posts

దైవ నామస్మరణతో కరోనా కంట్రోల్

corona controls with daiva nama smarana say Dr. Dhananjaya

కరోనా మహమ్మారికి ఇప్పటికిప్పుడైతే ఏ మందుకూ లొంగడం లేదు. ప్రయోగాలు,పరిశోధనలు జరుగుతున్నా ఇంకా కొలిక్కి వచ్చే పరిస్థితి లేదు. ఎంతలేదన్నా కనీసం ఆరు నెలల సమయం పడుతుందని అంటున్నారు. అయితే ఆ మహమ్మారిని ఓడించేందుకు వైద్యంతో పాటు దైవ నామస్మరణ కూడా అవసరమని అమెరికాలోని తెలుగు వైద్యుడు డాక్టర్ ధనుంజయ లక్కిరెడ్డి చెబుతున్నారు. ఇదేదో ఆయన ఆషామాషీగా చెప్పడం లేదు. ‘ఎవరూ లేని వారికి దేవుడే దిక్కు’ అంటారు పెద్దలు. దీని ప్రాతిపదికనే కరోనా ఇన్ఫెక్షన్‌ను తగ్గించవచ్చని ఆయన విశ్వసిస్తున్నారు.

ఉస్మానియా వైద్య కళాశాలలో 1996లో ఎంబీబీఎస్‌ పూర్తి చేసిన డాక్టర్ ధనుంజయ ప్రస్తుతం కన్సస్‌ సిటీలోని హార్ట్‌ రిధమ్‌ ఇన్‌స్టిట్యూట్‌లో ముఖ్య వైద్యుడిగా సేవలు అందిస్తున్నారు. ‘కరోనా కట్టడిలో ప్రార్థనల పాత్ర’ పేరిట ఓ నివేదికను నేషనల్‌ ఇన్‌స్టిట్యూట్‌ ఆఫ్‌ హెల్త్‌(ఎన్‌ఐహెచ్‌)కు సమర్పించారు. ‘నేను హిందువుగా పుట్టాను. కేథలిక్‌ స్కూళ్లలో చదివాను. సినగాగ్‌లు, బౌద్ధ మఠాలు, మసీదులకూ వెళ్లాను. ప్రార్థనల ద్వారా ఏర్పడే సానుకూల దృక్పథం బాధితులను కోలుకునేలా చేయొచ్చని విశ్వసిస్తున్నా’ అని ధనుంజయ చెప్పారు.

4 నెలలపాటు జరిగే ఈ అధ్యయనం కోసం ఐసీయూలో చికిత్సపొందుతున్న ఓ వెయ్యి మంది కరోనా రోగులను ఎంపిక చేసుకుంటారు. ఎంపికైన వారిని రెండు గ్రూపులుగా చేస్తారు. ఒక గ్రూపు వారికి అంటే 500మందికి మాత్రమే వైద్యం అందుతుంది. మరో గ్రూపు వారికి వైద్యం అందిస్తూనే రోజూ కొంత సమయాన్ని ప్రార్థనలు, ధ్యానానికి కేటాయించేలా ప్రోత్సహిస్తారు. ఇదంతా వైద్య నిపుణుల సమక్షంలోనే జరుగుతుంది. హిందూయిజం, బౌద్ధం, క్రైస్తవం, ఇస్లాం, యూదు మతం పద్ధతుల్లో ప్రార్థనలు జరుగుతాయి. మొత్తానికి ఆధ్యాత్మిక మార్గమే శ్రీరామరక్ష అని ఆయన మాటల్లో తేలింది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss