Wednesday, January 20, 2021

Latest Posts

కోయంబేడు మార్కెట్‌లో కరోనా కలకలం

coronavirus effect in koyambedu market in Chennai

కరోనా మహమ్మారి తమిళనాడులో గజగజ వణికిస్తోంది. చెన్నై లోని కోయంబేడు మార్కెట్‌లో తాజాగా మరొకరికి కరోనా వైరస్‌ సోకినట్టు నిర్ధారణ కావడంతో ఆ వ్యక్తిని చికిత్స నిమిత్తం ప్రభుత్వ ఆస్పత్రికి తరలించారు. ఆదివారం ఆ మార్కెట్‌లో సెలూన్‌ నడుపుతున్న వ్యక్తికి, మరొకరికి కరోనా వైరస్‌ సోకటంతో అధికారులు ఇరువురిని చికిత్స నిమిత్తం ప్రభుత్వ ఆస్పత్రులకు తరలించారు. ఈ నేపథ్యంలో తాజాగా ఆ మార్కెట్‌లోని 57 యేళ్ళ పూలవ్యాపారికి కూడా కరోనా సోకింది. ఆ ముగ్గురు కరోనా బాధితుల దుకాణాలకు చేరువగా ఉన్న వ్యాపారులందరికీ ప్రస్తుతం కరోనా వైరస్‌ పరీక్షలు జరుపుతున్నారు.

ఈ పరీక్షలలో మరి ముగ్గురిలో కరోనా పాజిటివ్‌ లక్షణాలు బయటపడితే కార్పొరేషన్‌ నిబంధనలమేరకు ఆ ప్రాంతాన్ని కరోనా రెడ్‌జోన్‌గా ప్రకటించి కోయంబేడు మార్కెట్‌ను పూర్తిగా మూసివేస్తామని ఇప్పటికే చెన్నై పోలీసు కమిషనర్‌ ప్రకటించారు. ఈ నేపథ్యంలో కోయంబేడు మార్కెట్‌లోని పండ్ల వ్యాపారులు, పూల వ్యాపారులను మాధవరం ప్రాంతానికి తరలిస్తూ ముఖ్యమంత్రి ఆదేశాలు జారీ చేశారు. లాక్‌డౌన్‌ సమయంలో కోయంబేడు మార్కెట్‌లో ప్రజలు భౌతిక దూరం పాటించకపోవడంతో ఆ మార్కెట్‌ను మూడుగా విభజించి మూడు ప్రాంతాల్లో నిర్వహించాలని గ్రేటర్‌ చెన్నై కార్పొరేషన్‌ అధికారులు నిర్ణయించారు.

అయితే గత రెండు రోజులుగా కోయంబేడు వ్యాపారులతో ఈ విషయమై జరిపిన చర్చలు ఫలించలేదు. ఈ పరిస్థితుల్లో ముఖ్యమంత్రి ఎడప్పాడి పళనిస్వామి, ఉపముఖ్యమంత్రి ఒ. పన్నీర్‌సెల్వం ఆదేశాల మేరకు చెన్నై మహానగర అభివృద్ధి సంస్థ కోయంబేడు మార్కెట్‌లో కరోనా వ్యాప్తి నిరోధక చర్యల అమలు, భౌతికదూరం పాటించాలని సూచిస్తూ,ఇందుకోసం కొన్ని ఆంక్షలు విధించింది. కోయంబేడు వాణిజ్య సముదాయంలో ప్రస్తుతం జరుగుతున్న రీటైల్‌ ట్రేడింగ్‌ పై పూర్తిగా నిషేధం విధించారు. గ్రేటర్‌ చెన్నై కార్పొరేషన్‌, స్థానిక సంస్థలకు సంబంధించి న ఆయా ప్రాంతాల్లో మైదానాలలో, బస్టాపుల వద్ద కాయగూరలు, పండ్లు విక్రయించేందుకు అనుమతి ఇచ్చారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss