coronavirus effects on IT employees in india:
ప్రపంచవ్యాప్తంగా వేగంగా వ్యాపిస్తున్న మాయదారి కరోనా నెలకే రెండు నెలలకో తగ్గవచ్చు కానీ కొందరి జీవితాల్లో విషాదాన్ని,భయాన్ని నింపేస్తోంది. ముఖ్యంగా ప్రపంచ ఆర్థిక వ్యవస్థను తీవ్రంగా కుదిపేస్తోంది. ఐక్యరాజ్యసమితి తెలిపిన వివరాల ప్రకారం భారత వాణిజ్యరంగం కరోనా వైరస్ కారణంగా తీవ్రంగా నష్టపోతోంది. దీనివలన విమానయాన రంగం నుండి పర్యాటకం వరకు వివిధ రంగాల్లో పనిచేస్తున్న ఉద్యోగులకు ముప్పు పొంచివుంది. ఆయా రంగాల్లో పనిచేస్తున్నవారు పెద్ద ఎత్తున ఉద్యోగాలు కోల్పోయే అవకాశముందని అంటున్నారు.
ఐక్యరాజ్యసమితి తెలిపిన వివరాల ప్రకారం రాబోయే రోజుల్లో కరోనా వైరస్ కారణంగా ప్రపంచవ్యాప్తంగా దాదాపు 2.5 కోట్ల మంది ఉద్యోగాలు కోల్పోయే ప్రమాదం ఉంది. ప్రస్తుతం అసంఘటిత రంగంలో 10 నుంచి 15 కోట్ల మంది పనిచేస్తున్నారు. భారతదేశంలో కరోనా వ్యాధి కారణంగా నిర్మాణరంగ కార్మికులు, చేనేత కార్మికులు, గృహ కార్మికులు దెబ్బతింటున్నారు, అసంఘటిత రంగంలో పనిచేసే 90 శాతం కార్మికులు తమ ఉద్యోగాలను కోల్పోయే ప్రమాదం ఉంది.
భారతదేశంలో విమానయాన రంగంలో 3.5 లక్షల మంది ఉద్యోగులు పనిచేస్తున్నారు. కరోనా ప్రభావం విమానయానంపై పడటంతో ఈ రంగంలో పనిచేస్తున్న ఉద్యోగులను తొలగించడం గానీ, జీతంలో కోతలకు అవకాశం ఉందనే మాట వినిపిస్తోంది. ఇక మనదేశంలోని రిటైల్ రంగంలో 4.5 కోట్ల మంది పనిచేస్తున్నారు. కరోనా కారణంగా మాల్స్ మొదలుకొని అన్ని హైపర్మార్కెట్లు మూసివేశారు. దీంతో ఈ రంగంలో పనిచేస్తున్న కోటిమంది ఉద్యోగులపై ప్రభావం పడనుంద ని అంటున్నారు. మొత్తానికి కరోనా ఎఫెక్ట్ తో ఉద్యోగాలకు పెను ముప్పు పొంచి ఉండటంతో షాకవుతున్నారు.