Tuesday, May 18, 2021

Latest Posts

ఏప్రిల్ లో సినిమాల రిలీజ్ ఉంటుందా లేదా

corona effects on movie releases dates:

ప్రపంచ వ్యాప్తంగా వణికిస్తున్న కరోనా మహమ్మారి నేపథ్యంలో తెలుగు రాష్ట్రాలలోని విద్యాసంస్థలు వ్యాపారసంస్థల కు సెలవులిచ్చేశారు. షాపింగ్ మాల్స్,పార్కులు, ఆలయాలు ,ఇలా అన్నీ మూసేసారు. సినిమాహాళ్లు మూసేసారు. అంతేకాదు సామాజిక బాధ్యతగా సినిమా షూటింగులు కేన్సిల్ చేసేసి, కరోనా వ్యాప్తి నిరోదానికి తమదైన శైలిలో సోషల్ మీడియాలో పోస్ట్ లు పెడుతూ ప్రచారం సాగిస్తున్నారు. ఇక విడుదల కావాల్సిన సినిమాలను కూడా ఆపేసారు. అయితే ఈ కరోనా ప్రజల ఆరోగ్యాల పైనే కాకుండా సినిమా ఇండస్ట్రీ పై విపరీతమైన ప్రభావాన్ని చూపిస్తోంది. మార్చి 31వరకు విడుదల తేదీలు ప్రకటించిన సినిమాలన్నీ వాయిదా పడ్డాయి.

అయితే ఏప్రిల్ ఫస్ట్ నుండి కరోనా ప్రభావం తగ్గుతుందని భావిస్తున్నారు కానీ అప్పటికి సరైన మందు కనుక్కుంటారనే గ్యారంటీ లేదు. అదే జరిగితే సినిమా విడుదల కూడా ఆగిపోక తప్పదు. అయితే ఏప్రిల్ నెలలో సినిమా హాళ్ల సందడి మొదలు కానుందని విడుదలకు సిద్ధం చేసిన సినిమాలన్నీ రాబోతున్నాయని సినీ వర్గాల్లో చర్చలు నడుస్తున్నాయి. నిజానికి ఏప్రిల్ లో విడుదల కావడానికి చాలా సినిమాలు రెడీగా ఉన్నా కానీ సినిమా వాళ్లంతా అన్ని పనులు ఆపేసి ఎవరి ఇళ్లలో వాళ్ళు ఫ్యామిలీస్ తో బిజీగా ఎంజాయ్ చేస్తున్నారు.

ఇలాంటి పరిస్థితుల్లో మన సినిమా స్టార్లు బయటికి వచ్చేదెప్పుడు.. సినీ ప్రమోషన్ లు సాగించేది ఎప్పుడని ఫాన్స్ లో చర్చ నడుస్తోంది. ఒకవేళ ప్రభుత్వాలు ఏప్రిల్ లో కూడా సినిమా హాళ్లు తెరవకపోతే ఏం చేస్తారు? ఈ సమ్మర్ అంతా సినిమాలతో ఎంజాయ్ చేద్దాం అనుకుంటున్న ఆడియన్స్ లో కూడా అయోమయం నెలకొంది. మొత్తానికి ప్రస్తుత పరిస్థితులు చూస్తుంటే, ఏప్రిల్ మొదటి వారంలో కూడా సినిమాలు విడుదలయ్యే ఛాన్స్ ఎక్కడా కనపడ్డం లేదు. మళ్ళీ సినీ సందడి ఎప్పుడో.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss