Thursday, May 13, 2021

Latest Posts

కరోనా దెబ్బకు కుదేలయిన అంబానీ!

Coronavirus Hit! Mukesh Ambani loses:

కాలం కల్సి రాకపోతే ఏదో రూపంలో ముంచేస్తుందని అంటుంటారు. ఇప్పుడు కరోనా వైరస్ దాడి కారణంగా ప్రపంచం వణికిపోతోంది. ముఖ్యంగా కరోనా ప్రభావం ఆర్థిక వ్యవస్థ పై ఎక్కువగా ప్రభావం చూపిస్తుండటంతో పలు కీలక సంస్థల అధినేతలు కూడా కుదేలవుతున్నారు. కరోనా వైరస్ కారణంగా చమురు ధరలు భారీగా పడిపోయాయి. దీంతో ఆయిల్ మార్కెట్ నష్టాల్లో ఉంది. ఈ ప్రభావం ముఖేష్ అంబానీ నేతృత్వంలోని రిలయన్స్ ఇండస్ట్రీస్ పైనా పడింది. దీంతో మార్చి 9వ తేదీన మార్కెట్ క్యాపిటలైజేషన్ పరంగా దేశంలో టాటా కన్సల్టెన్సీ సర్వీసెస్ టాప్ లో నిలిచి రిలయన్స్ ఇండస్ట్రీస్ ను రెండో స్థానంలోకి నెట్టి వేసింది.

ఇటీవల రూ.10 లక్షల కోట్ల మార్కెట్ క్యాపిటలైజేషన్ను క్రాస్ చేసిన ఇండియన్ కంపెనీగా రిలయన్స్ నిలిచింది. అయితే చమురు మార్కెట్ దెబ్బతో రిలయన్స్ ఎం కాప్ డిసెంబర్ 2019 రికార్డ్ హైతో పోల్చుకుంటే రూ.2.7 లక్షల కోట్లు ఆవిరైపోయాయి. ప్రస్తుతం ఒపెక్ రష్యా దేశాల మధ్య చమురు యుద్ధం జరగడంతో పాటు కరోనా ప్రభావం వలన అనేక దేశాలకు రవాణ వ్యవస్థ స్థంబించిపోవడంతో చమురు ఉత్పత్తి చేసే దేశాలలో అధికశాతం నిల్వ ఉండిపోయాయి.

ఫలితంగా ఒపెక్ సంస్థ చమురు ఉత్పత్తిని ధరలను తగ్గించి ఉన్న నిల్వలను అమ్మెయ్యాలని చూస్తున్న కూడా రష్యా అడ్డుతగులుతోంది. ఈ సమయంలోనే చమురు ధరలు అమాంతం పడిపోయాయి. జనవరి 17 – 1991 గల్ఫ్ వార్ తర్వాత క్రూడాయిల్ ధరలు అత్యంత భారీగా పడిపోవడం ఇదే మొదటిసారి. చమురు ధరలు పడిపోవడంతో రిలయన్స్ షేర్స్ కూడా భారీగా పడిపోయాయి. గత వారమే అత్యధికశాతం సంపదను కోల్పోయిన రిలయన్స్ మరోసారి 44వేలకోట్ల రూపాయల సంపద కోల్పోయిందని టాక్.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss