Tuesday, March 9, 2021

Latest Posts

కరోనా దెబ్బకు ట్రంప్‌ విలవిల

చైనాలో పుట్టి ప్రపంచమంతా వ్యాపిస్తున్న కరోనా వైరస్‌ ముప్పు ఇప్పుడు అగ్రరాజ్యం అమెరికా అధ్యక్షుడికీ పొంచి ఉండటం తీవ్ర కలకలం రేపింది. కరోనా దెబ్బకు అమెరికాలో విలవిలాడిపోతున్నారు. గత నెల 26 నుంచి 29 వరకు వాషింగ్టన్‌లో నిర్వహించిన కన్జర్వేటివ్‌ పొలిటికల్‌ యాక్షన్‌ కాన్ఫరెన్స్‌లో ట్రంప్‌ పాల్గొన్నారు. ఇందులో పాల్గొన్న ఇద్దరికి కరోనా నిర్ధారణ అయ్యింది. అమెరికాలోని 30 రాష్ర్టాలకు కోవిడ్‌-19(కరోనా) వ్యాపించింది.బాధితుల సంఖ్య 401కు, మృతుల సంఖ్య 19కి చేరింది.

ఇక ఇటలీలో మృతుల సంఖ్య ఇప్పటికే 233కి చేరడంతో దేశంలో నాలుగో వంతు మందిని నిర్బంధం(క్వారంటైన్‌)లోకి తీసుకున్నారు. ఇరాన్‌లో తాజాగా 49 మంది మరణించడంతో, ఆ దేశంలో మృతుల సంఖ్య 914కు, బాధితుల సంఖ్య 6,566కు చేరింది. దేశంలోని మొత్తం 31 రాష్ర్టాలకూ వైరస్‌ వ్యాపించింది. దక్షిణ కొరియాలో కోవిడ్‌-19 బాధితుల సంఖ్య 7,313కు, మృతుల సంఖ్య 50కి చేరింది. ఆదివారం ఒక్క రోజే కొత్తగా 272 మందికి నిర్ధారణ అయ్యింది.

ఇక కరోనాకు కారణమైన చైనాలో తాజాగా 27 మరణాలు సంభవించడంతో మృతుల సంఖ్య 3097కు చేరిందని చెబుతున్నారు. కరోనా వైరస్‌ బారినపడినవారి సంఖ్య 80,965కు చేరింది. చైనాలోని ఫుజియాన్‌ రాష్ట్రంలో కరోనా బాధితుల క్వారంటైన్‌ భవనం కూలి 10 మంది మరణించారు. భారత్ పొరుగు దేశం పాకిస్థాన్‌లోనూ కరోనా వైరస్ ప్రబలుతోంది. పాకిస్థాన్ దేశంలో కరోనా వైరస్ పాజిటివ్ కేసుల సంఖ్య ఏడుకు చేరింది. ఆదివారం మరో కరోనా వైరస్ పాజిటివ్ కేసు నమోదు కావడంతో వీటి సంఖ్య ఏడుకు చేరిందని పాక్ వైద్యఆరోగ్యశాఖ మంత్రి జఫర్ మీర్జా చెప్పారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss