Monday, April 19, 2021

Latest Posts

కరోనా ఎఫెక్ట్ … సీఆర్పీఎఫ్‌ హెడ్‌క్వార్టర్స్‌ క్లోజ్

CRPF headquarters closed over corona effect

కరోనా మహమ్మారి ఎవరినీ వదలడం లేదు. తాజాగా కేంద్ర సాయుధ బలగాల్లో కరోనా సోకడం కల్లోలం రేపుతోంది. ఇద్దరు సిబ్బందికి వైరస్‌ సోకడంతో ఢిల్లీలోని సీఆర్పీఎఫ్‌ కేంద్ర కార్యాలయానికి క్లోజ్ చేసేసారు. స్పెషల్‌ డైరెక్టర్‌ జనరల్‌ (ఎస్డీజీ) ర్యాంకు427 అధికారి వ్యక్తిగత కార్యదర్శితో పాటు కార్యాలయ బస్సు డ్రైవర్‌కు కరోనా సోకిందని నిర్ధారణ కావడంతో ఐదంతస్తుల సీఆర్పీఎఫ్‌ కార్యాలయానికి శానిటైజేషన్‌ చేయాలని సీఆర్పీఎఫ్‌ డీసీ ఏపీ మహేశ్వరి ఆదేశించారు. కరోనా సోకిన ఆ ఇద్దరితో దగ్గరగా మసలిన వారిని గుర్తించే పని మొదలుపెట్టారు.

ఎస్డీజీ ర్యాంకు అధికారి స్వీయ క్వారంటైన్‌లోకి వెళ్లారు. ఢిల్లీలోని సీఆర్పీఎఫ్‌ 31వ బెటాలియన్‌కు చెందిన 135 సిబ్బందికి ఇప్పటికే కరోనా సోకింది. గత వారం ఈ యూనిట్‌కు చెందిన 55 ఏళ్ల ఎస్సై కరోనా సోకి మరణించారు. తాజాగా బీఎ్‌సఎ్‌ఫలో మరో 37 మంది జవాన్లు వైరస్‌ బారినపడ్డారు. త్రిపుర జవాన్లతో కలిపి బి. ఎస్ .ఎఫ్. లో కరోనా కేసుల సంఖ్య 54కు పెరిగింది. ఐటీబీపీ రిటైర్డ్‌ హెడ్‌ కానిస్టేబుల్‌ (60) ఒకరు కరోనాతో ఢిల్లీ సఫ్దర్‌జంగ్‌ ఆస్పత్రిలో చికిత్సపొందుతూ మరణించారు. మరో 20 మంది సిబ్బంది వైరస్‌ బారినపడ్డారు. కరోనా సోకిన మిగతా సిబ్బందిలో కొందరు శాంతిభద్రతల పరిరక్షణలో ఢిల్లీలో పోలీసులకు సహకరిస్తున్నారు.

ఇక భారత్‌లో ఆదివారం కరోనా వైరస్‌ కేసులు, మరణాలు ఎక్కువే. వరుసగా రెండో రోజూ 2 వేలకు పైగా కేసులు నమోదయ్యాయి. కొత్తగా 2,487 కేసులు బయటపడడంతో మొత్తం 40,263కు చేరాయి. మరో 83 మంది మరణించారు. దీంతో మృతుల సంఖ్య 1,306కు పెరిగింది. ఢిల్లీలో కొత్తగా 427 కేసులు వెలుగుచూశాయి. దీంతో మొత్తం కేసులు 4,549కి పెరిగాయి. ఇప్పటి వరకు 60 మంది ప్రాణాలు కోల్పోయారు. హిందూ రావు, కస్తూర్బా ఆస్పత్రుల్లో ముగ్గురు చొప్పున వైద్యులు వైరస్‌ బారినపడ్డారు. ఢిల్లీలోని కాపసహెడా ప్రాంతంలో రెండంతస్తుల భవనం కరోనా హాట్‌స్పాట్‌గా మారింది. దానిలో మరో 17 మందికి వైరస్‌ సోకినట్లు తేలడంతో మొత్తం కేసులు 58కి చేరాయి. దేశవ్యాప్తంగా ఆదివారం 83 మరణాలు నమోదు కాగా, అత్యధికంగా మహారాష్ట్రలో 36 మంది ప్రాణాలు కోల్పోయారు

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss