Sunday, June 13, 2021

Latest Posts

నేడు ధోనీసేనతో ఆరెంజ్‌ ఆర్మీ ఢీ

దుబాయ్‌ ఇంటర్నేషనల్‌ స్టేడియం వేదిక నేడు మరో సమరానికి సిద్ధమైంది. సన్‌రైజర్స్‌ హైదరాబాద్‌, చెన్నై సూపర్‌ కింగ్స్‌ తలపడనున్నాయి. పాయింట్ల పట్టికలో ఏడో స్థానంలో ఉన్న చెన్నై ఐదో స్థానంలో ఉన్న హైదరాబాద్‌ అమీతుమీ తేల్చుకోనున్నాయి. హైదరాబాద్‌ ఇప్పటికే ఏడు మ్యాచ్‌లు ఆడి మూడింటిలో నెగ్గగా నాలుగింటిలో ఓటమిపాలైంది. ఇక చెన్నై కూడా ఏడు మ్యాచ్‌లు ఆడి కేవలం రెండు మ్యాచ్‌ల్లోనే నెగ్గింది. ఐదు మ్యాచుల్లో ఓటమిని చవిచూసింది. రెండు జట్లలోనూ భారీ హిట్టర్లు ఉండటంతో ఈ రోజు జరిగే మ్యాచ్‌ అభిమానులకు పండుగ కానుంది. మ్యాచ్‌ ఆసాంతం రాణిస్తున్నా కీలక సమయాల్లో తప్పు చేసి ఓటమి పాలవుతోంది హైదరాబాద్. రాజస్థాన్‌ మ్యాచ్‌లో ఇలాంటి తప్పులే చేసి మ్యాచ్‌ను పొగొట్టుకుంది. ఈ సారి అలాంటి తప్పులు రిపీట్‌ చేయకూడదని భావిస్తోంది. వార్నర్‌, బెయిర్‌ స్టో, విలియమ్సన్‌, మనీష్ పాండేలతో బ్యాటింగ్‌ స్ట్రాంగ్‌గానే ఉంది. బ్యాట్స్‌మెన్‌ రాణిస్తున్నా. ఇంకా దూకుడు పెంచాల్సిన అవసరం ఉంది. బెయిర్‌ స్టో సూపర్‌ ఫామ్‌లో ఉన్నాడు. ఈ మ్యాచ్‌లోనైనా ధోనీసేన గెలిచి ఫామ్‌లోకి వస్తుందా..? ఆరెంజ్‌ ఆర్మీ తన సత్తా చాటి పాయింట్స్‌ టేబుల్‌లో దూసుకెళ్తుందా..? అనేది వేచి చూడాలి. ఇదిలా ఉండగా, స్టార్‌ ప్లేయర్లు సరేశ్‌ రైనా, హర్భజన్‌ సింగ్‌ చెన్నై జట్టులో లేకపోవడంతో లోటు స్పష్టంగా కనిపిస్తోంది. ఇక హైదరాబాద్‌ బ్యాట్స్‌మెన్లు, బౌలర్లు మంచి ఫామ్‌లో ఉన్నారు.

ఇది కూడా చదవండి:

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss