Sunday, June 13, 2021

Latest Posts

ఢిల్లీ అల్లర్లపై స్పందించిన మోడీ

Modi reacts to Delhi police riots:

ఢిల్లీ అల్లర్లపై స్పందించిన మోడీ 

  దేశ రాజధానిని అట్టుడికిస్తోన్న అల్లర్లపై ప్రధానమంత్రి నరేంద్ర మోడీ పెదవి విప్పారు. పౌరసత్వ సవరణ చట్టాన్ని నిరిస్తోన్న ఆందోళనకారులపై రెండురోజులుగా దాడులు కొనసాగుతున్న ప్రస్తుత పరిస్థితుల్లో వాటిపై నరేంద్ర మోడీ స్పందించడం ఇదే తొలిసారి. అఖిల భారత కాంగ్రెస్ కమిటీ అధినేత్రి సోనియాగాంధీ ఏర్పాటు చేసిన విలేకరుల సమావేశం ముగిసిన కొన్ని నిమిషాల వ్యవధిలోనే నరేంద్ర మోడీ ఈ అల్లర్లపై స్పందించారు.. ట్విట్టర్ ద్వారా.

శాంతియుత వాతావరణాన్ని నెలకొల్పడానికి సహకరించాలని ఆయన ఢిల్లీవాసులకు విజ్ఙప్తి చేశారు. హింసాత్మక పరిస్థితులకు ప్రజాస్వామ్యంలో తావు లేదని అన్నారు. ఢిల్లీలో చోటు చేసుకున్న పరిణామాలపై జాతీయ భద్రతా సలహాదారు, కేంద్ర హోం మంత్రిత్వ శాఖ అధికారులతో విస్తృత స్థాయి సమావేశాన్ని నిర్వహించామని వెల్లడిచారు. ఈశాన్య ఢిల్లీ సహా వేర్వేరు ప్రాంతాల్లో చోటు చేసుకున్న ఘటనలు దురదృష్టకరమని చెప్పారు.

ఎలాంటి కఠిన పరిస్థితుల్లోనైనా పట్టుసడలని ఐకమత్యాన్ని ప్రదర్శించడం, శాంతియుత వాతావరణానికి భంగం కలిగించకపోవడం భారతీముల నైజమని, దాన్ని నిలబెట్టుకోవాల్సిన తరుణం ఆసన్నమైందని మోడీ చెప్పారు. ఢిల్లీలో సాధారణ పరిస్థితులను నెలకొల్పడం తక్షణ అవసరమని, దీనికోసం పోలీసు యంత్రాంగానికి సహకరించాలని సూచించారు. త్వరలోనే సాధారణ పరిస్థితులు నెలకొంటాయని మోడీ భరోసా ఇచ్చారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss