Thursday, May 13, 2021

Latest Posts

‘ఖాకీ అంటే ఇదే’ .. కానిస్టేబుల్ కి నెటిజన్ల కితాబు

‘ఖాకీ అంటే ఇదే’ .. కానిస్టేబుల్ కి నెటిజన్ల కితాబు

ఉన్నట్టుండి అట్టుడిపోయింది దేశరాజధాని ఢిల్లీ. పైగా అగ్ర రాజ్యాధినేత పర్యటిస్తున్న వేళ ఈ ఘటన దేశాన్ని గడగడ లాడించింది. నాలుగుపదులకు ఈ దాడుల్లో ప్రాణాలు కోల్పోయారు. పోలీసు ఆఫీసర్స్ కూడా ప్రాణాలను ఫణంగా పెట్టారు. అయితే ఢిల్లీ హింసాకాండలో ఓ పోలీసు కానిస్టేబుల్ చాపిన ధీరత్వం ప్రజల మనసు గెలుచుకుంది. తనవైపు తుపాకీ గురిపెట్టిన దుండగుడిని చూసి భయపడకుండా దీపక్ దహియా కానిస్టేబుల్ ఎదురు నిలిచాడు. ఈ ఘటనకు సంబంధించిన వీడియో సోషల్ మీడియాలో వైరలవడంతో దీపక్ స్టార్‌గా మారిపోయాడు. అతని ధైర్యానికి నెటిజన్లు దాసోహం అవుతూ, ‘ఖాకీ అంటే ఇదే’ అంటూ మెచ్చుకుంటున్నారు.

ఇక దీపక్ ఇంటర్వ్యూ కోసం టీవీ ఛానెల్స్ పోటీపడ్డాయి. ఈ క్రమంలో ఓ టీవీ చానెల్‌కు ఇచ్చిన ఇంటర్వ్యూలో దీపక్ ఆ రోజు జరిగిన ఘటనలను గుర్తుచేసు కుంటూ, తామంతా రోడ్డుకు ఓ వైపున ఉన్నామని, ఇంతలో మరో వైపు నుంచి తుపాకీ శబ్దం రావడంతో అటువైపు దూసుకెళ్లానని వివరించాడు. అక్కడకు వెళ్లి చూస్తే ఓ నిరసన కారుడు(షారుక్‌గా పోలీసులు గుర్తించారు) తుపాకీ గురిపెట్టి తమవైపు వస్తూ కనిపించాడని తెలిపాడు. తాను పక్కకు తప్పుకుంటే ఎవరో ఒకర్ని అతను చంపేస్తాడనే ఆలోచన తన మనసులో మెదిలిందని, దాంతో పక్కకు తప్పుకోకుండా ఎదురుగా నిలబడ్డానని దీపక్ చెప్పుకొచ్చాడు.

‘షారుక్‌ను బెదిరించడానికి చేతిలోని లాఠీ చూపించాను. నాకు నా ఖాకీ యూనిఫాంపై చాలా గర్వం ఉంది. అందుకే ఒక్క అడుగు వెనక్కు వేయలేదు. దమ్ముంటే కాల్చమన్నా’ అని దీపక్ ఉద్వేగంగా చెప్పాడు. శాంతించాలని ఎంత చెప్పినా షారుక్ వినలేదని, మరో రెండుసార్లు గాల్లో కాల్పులు జరిపాడని, అందులో ఓ తుపాకీ గుండు తన తలకు కేవలం రెండు అడుగుల దూరంలో నుంచి దూసుకుపోయిందని వివరించాడు. ఈ విషయం తెలిసి తన భార్య భయపడిపోయిందని, అయితే తన తండ్రి మాత్రం చాలా గర్వంగా ఫీలయ్యాడని దీపక్ పేర్కొన్నాడు. ‘నువ్వు నీ డ్యూటీ చేశావ్. ఇకపై కూడా ప్రజా శ్రేయస్సే అన్నింటికన్నా ముఖ్యం అని గుర్తుంచుకో’ అని ఆ తండ్రి దీపక్‌కు సలహా ఇచ్చారట. మొత్తానికి దీపక్ ఇంట్లోనే కాదు,నెట్టింట్లో కూడా హీరో అయ్యాడు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss