Wednesday, April 21, 2021

Latest Posts

అల వైంకుంఠపురంలో టికెట్లపై డిస్కౌంట్లు..

సంక్రాంతి కానుకగా వస్తున్న ‘అల వైంకుంఠపురంలో‘.. సినిమాతో అల్లుఅర్జున్ పండుగ వాతావరణాన్ని ముందుగానే తీసుకొచ్చేందుకు సిద్దమయ్యాడు. ఈ చిత్రంపై తెలుగు ప్రేక్షకుల్లో అంచనాలు భారీగా ఉన్నాయి. తెలుగు రాష్ట్రాలతో పాటు ఇతర దేశాల్లోని తెలుగు వారు ఈ సినిమా కోసం వెయ్యి కళ్లతో ఎదురుచూస్తున్నారు. అమెరికాలో తెలుగు చిత్రాలకు మిలియన్ డాలర్లలో కలెక్షన్లు రావడం ద్వారా మన హీరోల సత్తా తెలుస్తోంది. భారతదేశంలో ఉన్నవారు సొంతూర్లలో కుటుంబంతో కలిసి సంక్రాంతి పండుగ చేసుకుంటే.. విదేశాల్లో ఉన్న తెలుగు వారు సంక్రాంతి కానుకగా విడుదలయ్యే సినిమాలను చూసి పండుగ చేసుకుంటారట. ఆస్ట్రేలియా, కెనడాలలోనూ అలాగే న్యూజిలాండ్, యూకే, మలేషియా తదితర దేశాల్లోనూ ఈ చిత్రం విడుదలవుతోంది. ఇప్పటికే చిత్ర నిర్మాతలు, ఆయా దేశాల డిస్ట్రిబ్యూటర్లు థియేటర్ల లిస్ట్‌ ప్రకటించారు.

అమెరికాలో అల వైంకుంఠపురంలో చిత్రాన్ని బ్లూస్కై సినిమాస్ విడుదల చేస్తోంది. అమెరికాలో 11వ తేదీన చిత్ర ప్రీమియర్ షోలను ప్రదర్శించనున్నారు. ఈ చిత్రం వీకెండ్‌కు రీలీజ్ అవుతుండటంతో, ఓపెనింగ్ కలెక్షన్లు భారీగా ఉంటాయని ట్రేడ్ విశ్లేషకుల అంచనా. ఇదే సమయంలో ప్రేక్షకులను థియేటర్లకు తీసుకువచ్చేలా అమెరికాలోని అనేక థియేటర్ల సంస్థలు పలు ఆఫర్లను ప్రకటించాయి. అల వైంకుంఠపురంలో సినిమా టిక్కెట్ ధర అమెరికాలో దగ్గర దగ్గరగా 14 డాలర్లు. కొన్ని లొకేషన్లలో ఈ ధర అటు ఇటుగా ఉంటుంది. అయితే ఈ ధరపై అనేక డిస్కౌంట్లు కూడా లభిస్తున్నాయి.

అమెరికాలోని సినిమార్క్ సినిమాస్.. సినిమార్క్ మూవీ క్లబ్ పాస్ ఉన్న వారికి సెలక్టెట్ లొకేషన్లలో టిక్కెట్ ధరపై ఐదు డాలర్ల డిస్కౌంట్ ఇస్తున్నట్టు ప్రకటించింది. మరోపక్క రీగల్ సినిమాస్.. రీగల్ అన్‌లిమిటెడ్ పాస్ ఉన్నవారికి కొన్ని లొకేషన్లలో ఉచితంగా టిక్కెట్లను అందిస్తోంది. మరికొన్ని లొకేషన్లలో కేవలం రెండు డాలర్లకే అల వైంకుంఠపురంలో టిక్కెట్లను ఇస్తున్నట్టు రీగల్ సినిమాస్ బంపర్ ఆఫర్‌ ప్రకటించింది. అదే విధంగా ఏఎమ్‌సీ సంస్థ తమకు సంబంధించిన ఏఎమ్‌సీ స్టబ్స్ ఏ-లిస్ట్ ఖాతాదారులకు ఉచితంగా టిక్కెట్లను ఇస్తోంది. వీళ్లతో పాటు ఆటమ్ టిక్కెట్స్ కంపెనీ.. తమ వెబ్‌సైట్/యాప్ ద్వారా టిక్కెట్లు బుక్ చేసి.. చేజ్ పే ద్వారా చెక్ అవుట్ అయిన వారికి ఏడు డాలర్ల డిస్కౌంట్ ఇస్తున్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss