Monday, October 25, 2021

Latest Posts

ఉబ్బితబ్బిబవుతున్న ట్రంప్ పై నెటిజన్ల ట్రోల్స్

Donald Trump Trolls

 తొలిసారి భారత పర్యటనకు వస్తున్న అమెరికా అధ్యక్షుడు డొనాల్డ్‌ ట్రంప్‌ తన కోసం జరుగుతున్న స్వాగత ఏర్పాట్లపై   చాలా ఊహించుకొని మురిసిపోతున్నారు! అహ్మదాబాద్‌లో 70 లక్షల మంది తనకు స్వాగతం పలుకుతారని మొన్న ఉత్సాహంగా చెప్పుకొచ్చారు. అయితే  ఆ సంఖ్యను ఇప్పుడు కోటికి పెంచేశారు. పైగా అంతమంది వస్తారని ప్రధాని నరేంద్ర మోదీయే తనతో చెప్పారని కూడా అంటున్నారు. మొదట మంగళవారం మేరీలాండ్‌లోని జాయింట్‌ బేస్‌ ఆండ్రూ్‌సలో విలేకరులకు అహ్మదాబాద్‌లో 70 లక్షల మంది తనకు స్వాగతం పలకడానికి వస్తారని ట్రంప్‌ చెప్పారు.

ఇది కూడా చదవండి: భారత్ గురించి ట్రంప్ అలా అనేశారేంటి   

గురువారం కొలరాడో సభలో ఆ సంఖ్యను కోటి చేశారు. అహ్మదాబాద్‌లో నిర్మించిన ప్రపంచంలోనే అతి పెద్ద స్టేడియంకు వెళ్లే 22 కిలోమీటర్ల మార్గం పొడవునా కోటి మంది చేరుకొని తనకు స్వాగతం పలకనున్నారని ప్రకటించారు. అంతేకాదు, ‘నమస్తే ట్రంప్‌’ పేరిట చేస్తున్న ఈ కార్యక్రమం తనను చెడగొడుతుందని కూడా ట్రంప్  చెప్పుకొన్నారు.
   

 కోటి మంది హాజరయ్యే కార్యక్ర మం చూశాక అమెరికాలో 60వేల మంది హాజరయ్యే సభలు తనను సంతృప్తిపర్చలేవన్నారు. అయితే ట్రంప్‌ వ్యాఖ్యలను ఆయన భ్రమ అంటూ నెటిజన్లు ట్రోల్స్ చేస్తున్నారు . దేశంలో ఎక్కడా ఒకేసారి కోటి మంది హాజరైన కార్యక్రమాలు లేవని గుర్తు చేస్తున్నారు. మోదీ-ట్రంప్‌ రోడ్‌షోకు 1-2 లక్షల మంది హాజరవుతారని మునిసిపల్‌ కమిషనర్‌ ఇప్పటికే ప్రకటించడం కొసమెరుపు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss