Sunday, January 24, 2021

Latest Posts

‘దిశ’ చట్టం కింద సీఎం జగన్ పై కేసు పెట్టాలట

రాజధాని వ్యవహారంపై అధికార విపక్షాల నడుమ విమర్శల జోరు మరింతగా హెచ్చింది. ఒకప్పుడు అసెంబ్లీలో వైసిపి ఎమ్మెల్యే రోజాతో ఢీ ఢీ అని మాటల తూటాలతో రెచ్చిపోయిన టీడీపీ నేత, మాజీ మంత్రి అనిత ఇప్పుడు ఏకంగా సీఎం జగన్మోహన్ రెడ్డి పై దిశ చట్టం కింద కేసు పెట్టాలని అంటున్నారు. ఆమె మీడియాతో మాట్లాడుతూ సీఎం నియమించింది హైపవర్ కమిటీనా?.. పవర్ లేని కమిటీనా? అని ఎద్దేవా చేశారు. వైసీపీ హయాంలో మహిళలపై దాడులు జరుగుతున్నాయని, ఇంతమంది మహిళలను బాధించిన సీఎంపై ‘దిశ’ చట్టం పెట్టాలన్నారు.

గుడికి వెళ్లే మహిళలపై కూడా జగన్ తన ప్రతాపం చూపిస్తున్నారంటే.. ఆయనను గిన్నిస్ బుక్ ఆఫ్ వరల్డ్గా లెక్కించాలని అనిత అన్నారు. రాష్ట్రంలో మహిళలపై ముఖ్యమంత్రి దాడులు చేయిస్తున్న విషయాన్ని కేంద్రం దృష్టిలో పెట్టుకుని ‘దిశ’ చట్టం కింద కేసు జగన్పై పెట్టాలన్నారు.వైసీపీ ప్రభుత్వం ఒక విషయం గుర్తు పెట్టుకోవాలని అనిత పేర్కొంటూ, టీడీపీ కార్యకర్తలను టచ్ చేసే మగాడు ఇప్పటి వరకు లేడన్నారు.

కాంట్రవర్సీ చేస్తారో కేసులే పెట్టుకుంటారో పెట్టుకోండంటూ ప్రభుత్వానికి అనిత సవాల్ విసిరారు. మహిళలపై దాడులు చేస్తుంటే హోంమంత్రి ఎందుకు స్పందించడం లేదని ఆమె తీవ్రస్థాయిలో విరుచుకు పడ్డారు. అమరావతిని రక్షించుకోవడానికి చంద్రబాబు సతీమణి భువనేశ్వరి గాజులిస్తే..దాన్ని కూడా వైసీపీ నేతలు రాజకీయం చేయడం శోచనీయమన్నారు. అమరావతిలో జరిగే ప్రతి చావుకు సీఎం జగన్దే బాధ్యత గా ఆమె పేర్కొన్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss