Monday, March 8, 2021

Latest Posts

టిటిడి తదుపరి ఈవోకు తీవ్ర పోటీ !

Fierce competition over TTD EO post

ఫలానా పోస్టు కావాలని కోరుకునేవాళ్ళు కొందరు .. ఛాన్స్ వస్తే వస్తుందిలే అనుకునేవాళ్లు మరికొందరు .. పైరవీలు చేసేది ఇంకొందరు … ప్రస్తుతం తిరుమల తిరుపతి దేవస్థానం(టీటీడీ) ఎగ్జ్సిక్యూటివ్ అధికారి(ఈఓ) పోస్ట్ కోసం ఇదే తతంగం నడుస్తోంది. టిటిడి ఈవోగా ఎవరు నియమితం కానున్నారు ? అనే అంశంపై సంబంధిత సర్కిల్స్ లో ప్రస్తుతం జోరుగా వినిపిస్తున్న మాట ఇదే. ఎందుకంటే ప్రస్తుతం ఈఓగా ఉన్న ఎస్‌కే సింఘాల్ పదవీకాలం ముగుస్తుండడమే ఇందుకు కారణం. ఈ నెలాఖరుతో తేదీతో ఆయన పదవీకాలం ముగియనున్న నేపథ్యంలో ఈయనను పొడిగించే ఛాన్స్ లు తక్కువని ప్రభుత్వ వర్గాల్లో వినిపిస్తోంది.

ఈ క్రమంలో… ఈఓ పోస్టు కోసం… వైద్య, ఆరోగ్య శాఖకు ప్రధానకార్యదర్శిగా ఉన్న డాక్టర్ కె ఎస్. జవహర్ రెడ్డి, దేవాదాయ, ధర్మాదాయ శాఖ ప్రధానకార్యదర్శి జేఎస్వీ ప్రసాద్ యత్నిస్తున్నట్లు సమాచారం. ఇదిలా ఉంటే… టీటీడీ ఛైర్మన్‌గా ప్రస్తుతం ఎస్వీ సుబ్బారెడ్డి ఉన్న విషయం విదితమే. దీంతో అదే సామాజిక వర్గానికి చెందిన జవహర్ రెడ్డికి ఈఓ పోస్టునిచ్చే విషయమై కొంత సందిగ్ధత ఉన్నట్లు టాక్.

ఇక ఈఓగా తనకే అవకాశం దక్కుతుందని… ప్రస్తుతం అదనపు ఈఓగా ఉన్న ఏవీ ధర్మారెడ్డి గట్టి నమ్మకంగా ఉన్నారు. తనకు గతంలోనే సీఎం నుంచి ఈ మేరకు హామీ ఉన్నట్లు కూడా ఆయన ప్రస్తావిస్తున్నట్లు చెబుతున్నారు. మొత్తం మీద బయటపడనప్పటికీ… ఈఓ పోస్టు కోసం పోటీ ఉత్కంఠభరితంగానే కొనసాగుతోందన్న వ్యాఖ్యానాలు వినవస్తున్నాయి. ఇదిలా ఉంటే… టీటీడీ ఛైర్మన్‌గా ఉన్న ఎస్వీ సుబ్బారెడ్డి ఎవరి వైపు మొగ్గుతారోనని అందరిలో ఉత్కంఠ నెలకొంది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss