Wednesday, April 21, 2021

Latest Posts

డిసెంబర్ లో ఫ్రాన్స్ లో కరోనా అడుగుపెట్టిందా

First coronavirus case in France

కరోనా మహమ్మారి డిసెంబర్‌లోనే ఫ్రాన్స్‌లో అడుగుపెట్టిందంటూ వస్తున్న వార్తలపై తాజాగా ప్రపంచ ఆరోగ్య సంస్థ స్పందించింది. ఈ వార్తలు అంత ఆశ్చర్యకరమైనవేమీ కావని అంటూనే అటువంటి తొలి కేసులపై ప్రత్యేకంగా విచారణ చేపట్టాలని యూరప్ దేశాలకు సూచించింది. కరోనా మహమ్మారి గురించి చైనా డిసెంబర్ 31న సమాచారం ఇచ్చింది. అయితే ఇప్పటి వరకూ కరనా వైరస్ యూరప్ దేశాల్లో జనవరి నుంచీ వ్యాపించడం ప్రారంభించిందని అందరూ భావిస్తూ వచ్చారు.

తాజాగా డిసెంబర్‌లోనే ఫ్రాన్స్‌లో కరోనా కాలు పెట్టిందన్న వార్తలు రావడంతో ప్రపంచ ఆరోగ్య సంస్థ ఈ మేరకు స్పందించింది. ‘దీని వల్ల వైరస్ వ్యాప్తికి సంబంధించి కొత్త సమాచారం వెలుగులోకి వచ్చింది. భవిష్యత్తులో ఇటువంటి తొలి కరోనా కేసులు మరిన్ని బయటపడే అవకాశం ఉంది’ అని డబ్ల్యూహెచ్ఓ ప్రతినిథి వ్యాఖ్యానించారు. కాగా ప్రపంచాన్ని గజగజలాడిస్తున్న కరోనా మహమ్మారిని అంతమొందించడానికి ప్రపంచదేశాలన్నీ కలిసికట్టుగా పనిచేయాలని ఐక్యరాజ్యసమితి సెక్రటరీ జనరల్ ఆంటోనియో గుటెరస్ పిలుపు నిచ్చారు.

‘ఇది ఒకరితో ఒకరికి సంబంధాలున్న ప్రపంచం. మనలో ఓ ఒక్కరు ఈ మహమ్మారి చేతిలో ఓడిపోయినా అందరం ఓడిపోయినట్లే. అందరూ దీనిపై గెలిచే వరకూ ఎవరూ సురక్షితం కాదు’ అని గుటెరస్ పేర్కొన్నారు. కరోనా వైరస్‌పై పరిశోధనలు చేయడానికి, వ్యాక్సీన్ కనుగొనడానికి ప్రపంచ దేశాధినేతలంతా కలిసి 8.1 బిలియన్ డాలర్లు సేకరించడాన్ని ఆయన అభినందించారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss