Sunday, January 24, 2021

Latest Posts

ఉమెన్స్ వరల్డ్ కప్ T20 2020 సెమి ఫైనల్ కి వచ్చిన ఇండియా

Indian women’s cricket team to the semis in T20 Worldcup2020:

ఉమెన్స్ వరల్డ్ కప్ T20 2020 సెమి ఫైనల్ కి వచ్చిన ఇండియా

ఆస్ట్రేలియా గడ్డపై జరుగుతున్న మహిళల టీ20 ప్రపంచకప్‌లో భారత్ జట్టు వరుస విజయాలతో సెమీస్‌లో అడుగుపెట్టింది. మెల్‌బోర్న్ వేదికగా న్యూజిలాండ్‌తో గురువారం జరిగిన మ్యాచ్‌లో ఆఖరి వరకూ పోరాడిన భారత్.. 4 పరుగుల తేడాతో విజయాన్ని అందుకుంది. కివీస్ విజయానికి చివరి 6 బంతుల్లో 16 పరుగులు అవసరమగా.. ఫాస్ట్ బౌలర్ శిఖా పాండే 11 పరుగులు మాత్రమే ఇచ్చి మ్యాచ్‌ని గెలిపించింది.

దీంతో.. టోర్నీలో హ్యాట్రిక్ విజయాలతో సెమీస్ బెర్తుని ఖాయం చేసుకున్న భారత్.. శ్రీలంకతో శనివారం గ్రూప్ దశ ఆఖరి మ్యాచ్‌ని ఆడనుంది.మ్యాచ్‌లో టాస్ ఓడి తొలుత బ్యాటింగ్ చేసిన భారత్ జట్టు నిర్ణీత 20 ఓవర్లలో 8 వికెట్ల నష్టానికి 133 పరుగులు చేసింది. ఓపెనర్ మంధాన (11) నిరాశపరిచినా.. మరో ఓపెనర్ షపాలి వర్మ (46: 34 బంతుల్లో 4×4, 3×6) బాధ్యతాయుత ఇన్నింగ్స్‌తో ఆకట్టుకుంది.

ఆఖర్లో రాధ యాదవ్ (14: 9 బంతుల్లో 1×4), శిఖ పాండే (10 నాటౌట్: 14 బంతుల్లో) విలువైన పరుగులు చేశారు.134 పరుగుల లక్ష్య ఛేదనలో ఆరంభం నుంచి కివీస్ తడబాటుని కొనసాగించింది. భారత బౌలర్లు క్రమం తప్పకుండా వికెట్లు పడగొడుతూ రావడంతో ఏ దశలోనూ ఆ జట్టు పుంజుకోలేకపోయింది. కానీ.. ఆఖర్లో మాడీ మార్టిన్ (25: 28 బంతుల్లో 3×4), అమైలా కేర్ (34 నాటౌట్: 19 బంతుల్లో 6×4) బ్యాట్ ఝళిపించడంతో మళ్లీ రేసులోకి వచ్చేటట్లు కనిపించింది. అయితే.. శిఖా పాండే ఆఖరి ఓవర్‌లో తెలివిగా బౌలింగ్ చేసి ఆ జట్టుని కట్టడి చేయగలిగింది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss