Sunday, June 13, 2021

Latest Posts

రేవంత్ అరెస్టు పై  భగ్గుమన్న కాంగ్రెస్

Illegal drone camera MP Revanth Reddy arrested:

డ్రోన్లతో ఫోటోలు తీశారంటూ కాంగ్రెస్ ఎంపీ  రేవంత్ రెడ్డిని అరెస్ట్ చేయడంతో కాంగ్రెస్ భగ్గుమంటోంది. ఈ అరెస్ట్ ని  తీవ్రంగా ఖండిస్తున్నామని ఎంపీ కోమటిరెడ్డి వెంకట్ రెడ్డి అన్నారు. స్పీకర్ అనుమతితో ఎంపీని అరెస్ట్ చేయాలన్నారు. రేవంత్ అరెస్ట్‌కు వ్యతిరేకంగా సభా హక్కుల నోటీసులు ఇస్తామన్నారు. శుక్రవారం ఆయన  మీడియాతో మాట్లాడుతూ, 111 జీవో పరిధిలో నిర్మాణాలకు అనుమతి లేదని, మరి ఫాంహౌస్ ఎలా కట్టారని ప్రశ్నించారు. పేదలకు ఓ న్యాయం.. కేసీఆర్ కుటుంబానికి మరో న్యాయమా? అని ఆయన  ప్రశ్నించారు. కేటీఆర్ ఫాంహౌస్‌ను కూల్చే దమ్ము అధికారులకు లేదని వ్యాఖ్యానించారు. కేటీఆర్ ఫాంహౌస్ నిర్మాణంపై ట్రిబ్యునల్‌కు లేఖ రాస్తామని చెప్పారు.

RevanthReddy

కోకాపేట భూములు కేటీఆర్ మనుషుల చేతిలో ఉన్నది వాస్తవం కాదా? అని కోమటిరెడ్డి నిలదీశారు. గోపన్‌పల్లి, కోకాపేట భూములపై జ్యూడిషియల్ విచారణ జరిపించాలని ఆయన  డిమాండ్ చేశారు. గోపన్‌పల్లిలో రేవంత్‌ది తప్పని తేలితే చర్యలు తీసుకోవాలన్నారు.  కాగా  శుక్రవారం మాజీ ఎంపీ, కాంగ్రెస్ నేత కొండా విశ్వేశ్వర్ రెడ్డి మీడియాతో మాట్లాడుతూ, రేవంత్ రెడ్డిని కక్షతోనే జైల్లో వేశారని  ధ్వజమెత్తారు.

రేవంత్ రెడ్డి అసలు డ్రోన్‌ను వాడనేలేదని విశ్వేశ్వర రెడ్డి  అంటూ,రేవంత్ డ్రోన్ వాడినట్లు ఆధారం ఉందా? అని పోలీసులను ప్రశ్నించారు. 111 జీవో నిబంధనలకు విరుద్ధంగా సీఎం ఫామ్ హౌస్ కట్టారని, ఆ విషయాన్ని వేలెత్తి చూపారనే అక్కసుతోనే రేవంత్‌ను జైల్లో వేశారని ఆయన ఆరోపించారు. రంగారెడ్డి జిల్లా వాళ్లు అక్కడ చిన్న గుడిసె వేసినా కూల్చివేస్తున్నారని ఆయన పేర్కొంటూ, కరీంనగర్ వాళ్లకు ఓ న్యాయం, రంగారెడ్డి జిల్లా వాళ్లకు ఓ న్యాయమా? అని విశ్వేశ్వర్ రెడ్డి ప్రశ్నించారు. రేవంత్‌పై కోపం ఉంటే కోర్టులో చూసుకోవాలన్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss