Friday, January 22, 2021

Latest Posts

వరుస విజయాలతో దూసుకుపోతున్న భారత్

ఆస్ట్రేలియా పర్యటనలో జరిగిన తొలి టీ20 మ్యాచ్‌లో భారత్ విజయం సాధించింది. వన్డే సిరీస్‌లలో వరుస ఓటములతో సతమతమైన టీమిండియా టీ20లో విజయభేరితో ప్రారంభించింది. శుక్రవారం కాన్‌బెర్రా వేదికగా భారత్-ఆస్ట్రేలియా జట్ల మధ్య జరిగిన తొలి టీ20లో ఆసీస్‌పై 11 పరుగుల తేడాతో టీమిండియా విజయం సాధించింది. ఇకపోతే భారత్ టీ-20ల్లో వరుస విజయాలతో దూసుకుపోతుంది. ఈ విజయం తో భారత్ వరుసగా 9 టి20 మ్యాచ్చుల్లో విజయం సాధించింది. ఇలా వరుసగా 9 టి20 మ్యాచ్ లు భారత్ గెలవడం చరిత్రలో ఇదే తొలిసారి.

భారత బౌలర్లు అదరగొట్టడంతో భారత్ విజయం సునాయాసమైంది. తొలుత టాస్ గెలిచిన ఆసీస్… ఫీల్డింగ్ ఎంచుకుంది. దీంతో బ్యాటింగ్‌కు దిగిన టీమిండియా నిర్ణీత 20 ఓవర్లలో 7 వికెట్ల నష్టానికి 161 పరుగులు చేసి 162 పరుగుల స్వల్ప లక్ష్యాన్ని ఆసీస్ ఎదుట ఉంచింది. జడేజా, రాహుల్ రాణించడంతో భారత్ గౌరవప్రదమైన స్కోరు ను చేరుకోగలిగింది.

ఈ స్వల్ప లక్ష్యాన్ని ఛేదించడానికి తొలుత ఓపెనర్లుగా బరిలో దిగిన ఆసీస్ ప్లేయర్లు షార్ట్, ఆరోన్ ఫించ్  ఆ జట్టుకు మంచి శుభారంభాన్నే ఇచ్చారు. అయితే ఆరోన్ ఫించ్ అవుట్‌ అవడంతో ఆసీస్ కష్టాలు మొదలయ్యాయి. ఫించ్ తరువాత వచ్చిన బ్యాట్స్‌మెన్‌లు అందరూ వరుసగా పెవిలియన్ చేశారు. దీంతో నిర్ణీత 20 ఓవర్లలో ఆసీస్ జట్టు 7 వికెట్లు కోల్పోయి 150 పరుగుల చేసి 11 పరుగుల తేడాతో పరాజయాన్ని మూటగట్టుకుంది.

ఇవి కూడా చదవండి:

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss