Wednesday, June 23, 2021

Latest Posts

ఇంటర్ పరీక్షల ఇన్విజిలేటర్లుగా గ్రామ వాలంటీర్లు

Grama (village) volunteers as inter-examiners:  

ఇంటర్ పరీక్షల ఇన్విజిలేటర్లుగా గ్రామ వాలంటీర్లు

  ఆంధ్రప్రదేశ్‌లో సచివాలయ ఉద్యోగులకు ప్రభుత్వం కొత్త పని అప్పగిస్తోంది. ఇంటర్ పరీక్షలకు ఇన్విజిలేటర్లుగా వినియోగించుకోవాలని నిర్ణయించింది. మార్చి 4వ తేదీ నుంచి మార్చి 23 వరకు ఇంటర్ పరీక్షలు జరగనున్నాయి. మార్చి 23 నుంచి ఏప్రిల్ 8 వరకు పదో తరగతి పరీక్షలు కొనసాగనున్నాయి. ఇంటర్మీడియట్ పరీక్షలు ఉదయం 9 గంటల నుండి 12 గంటల వరకు, పదోతరగతి పరీక్షలు ఉదయం 9.30 గం.ల నుంచి మధ్యాహ్నం 12.15 గం.ల వరకు జరుగుతాయి.

పరీక్షల సమయంలో ఉదయం 9 గంటల నుండి 12.30 గం.ల వరకు సమీప ప్రాంతాల్లో ఉండే జిరాక్స్ సెంటర్లు మూసివేయాలని ఆదేశాలు ఇచ్చినట్టు విద్యాశాఖ మంత్రి ఆదిమూలపు సురేష్ తెలిపారు. రాష్ట్రం మొత్తం మీద ఈ ఏడాది ఇంటర్ పరీక్షలకు 10,65,156 మంది హాజరవుతుండగా, టెన్త్ పరీక్షలు 6,39,022 మంది అభ్యర్థులు రాయనున్నారని తెలిపారు.

మొదటి సంవత్సరం ఇంటర్మీడియట్ పరీక్షలకు 5,07,228 మంది రెగ్యులర్ విద్యార్థులు, 39,140 మంది ఒకేషనల్ విద్యార్ధులు హాజరవుతున్నారని అదే విధంగా ద్వితీయ సంవత్సర పరీక్షలకు 4,88,795 మంది, ఒకేషనల్ కు సంబంధించి 29,993 మంది విద్యార్థులు హాజరవుతున్నారని మంత్రి పేర్కొన్నారు. పదో తరగతి పరీక్షలకు సంబంధించి మార్చి 14వ తేది నుంచి విజయవాడ కేంద్రంగా కంట్రోల్ రూమ్ అందుబాటులోకి వస్తుందని పేర్కొన్నారు.

వివరాల కోసం ల్యాండ్ లైన్ నంబర్ 0866 2974 540, 0866 2974 550 లతో పాటు ఇ-మెయిల్ ఐడి dir_govexams@yahoo.com & dgepeshi@gmail.com లను సంప్రదించవచ్చన్నారు. పదవ తరగతి పరీక్షలకు సంబంధించి 2923 సెంటర్లు ఏర్పాటు చేసినట్లు మంత్రి వెల్లడించారు. ఈ దఫా పదో తరగతి పరీక్షా విధానంలో బిట్ పేపరుకు బదులుగా లక్ష్యాత్మక ప్రశ్నలను రూపొందించామన్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss