Sunday, January 24, 2021

Latest Posts

క్లాస్ రూమ్ లో పెళ్లి చేసుకున్న స్టూడెంట్స్ … ఆ తర్వాత

ఇంటర్ కాలేజీలో స్టూడెంట్స్ పెళ్లి చేసుకోవడం కలకలంగా మారింది. తూర్పగోదావరి జిల్లా రాజమండ్రిలో ప్రభుత్వ జూనియర్ కాలేజీలో క్లాస్‌రూమ్‌లోనే అమ్మాయి మెడలో అబ్బాయి మూడు ముళ్లు వేశాడు.. ఏదో ఘనకార్యం చేసినట్లు మొబైల్‌లో వీడియో కూడా రికార్డ్ చేశారు. ఈ విషయం తెలియడంతో కాలేజీ ప్రిన్సిపల్ ఇద్దరికీ టీసీలు ఇచ్చి పంపించారు. మైనర్లు చేసిన పిచ్చి పనితో తల్లిదండ్రులు కూడా అవాక్కయ్యారు. సోషల్ మీడియాలో వీడియో వైరల్ కావడంతో ఈ ఘటన ఆలస్యంగా బయటపడింది.

ఈ వ్యవహారంపై ప్రిన్సిపల్ మేరీ సుజాత ఆసక్తికర విషయాలు చెప్పారు. ఓ మీడియా ఛానల్‌తో మాట్లాడిన ఆమె.. నవంబర్ 27న విద్యార్థుల తల్లిదండ్రులు పెళ్లి వీడియో తమ దృష్టికి తెచ్చారని చెప్పారు. కేవలం వాళ్లు సరదా కోసమే చేసిన పనిగా చెప్పారు. కానీ ప్రేమ వివాహం చేసుకున్నట్లు తమ విచారణలో తేలిందన్నారు. ఇలాంటి పనులు కాలేజీలో చేయడం తప్పని భావించి ఇద్దరు విద్యార్థులకు గట్టి వార్నింగ్‎ ఇచ్చి, వారికి సహాయం చేసిన మరో విద్యార్థికి కూడా టీసీ ఇచ్చి కాలేజీ నుంచి ముగ్గురిని పంపిచామన్నారు.

నవంబర్ 17న ఉదయం 8-30 గంటలకు ముగ్గురు విద్యార్థులు క్లాస్‌రూమ్‌లో పెళ్లి చేసుకున్నారని చెప్పారు. ఇలా చేస్తే సోషల్ మీడియాలో లైక్‌లు ఎన్ని వస్తాయో చూద్దామని సరదాగా ఫ్రాంక్ వీడియో చేశామని చెప్పారట. ఆ తర్వాత భయంతో వీడియోను తొలగించామని విద్యార్థులు వ్రాతపూర్వకంగా ఇచ్చారట. ఈ విషయం తమ తల్లిదండ్రులకు చెప్పినా వినడంలేదని.. తాము సరదాగా తీసుకున్నదే తప్ప.. ఎలాంటి చెడు ఆలోచన లేదని విద్యార్థులు చెప్పారని క్లారిటీ ఇచ్చారు.

 

 

 

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss