Thursday, May 13, 2021

Latest Posts

అమరావతి కావాలో .. సంక్షేమం కావాలో తేల్చుకోమన్న జగన్

  మొత్తానికి ఎపి  అసెంబ్లీ సాక్షి గా ఏపీకి 3 రాజధానులు ఎందుకు అవసరమో సీఎం జగన్ మోహన్ రెడ్డి వివరించేసారు.  ఏపీలో దారుణ పరిస్థితులున్నాయని ఆయన వివరిస్తూ, స్కూళ్లు, ఆస్పత్రుల్లో కనీస వసతులు లేవని.. తాగడానికి అలాగే  సాగుకు నీళ్లు లేవని.. అలాంటి దుర్భరమైన పరిస్థితులు చక్కదిద్దకుండా అమరావతి పై లక్ష కోట్లు ఖర్చు పెట్టి అప్పుల పాలై అడుక్కుతిందామా అని సీఎం జగన్ నిలదీశారు.ఏపీలో ఆస్పత్రులలో జనరేటర్లు లేక సెల్ ఫోన్ల వెలుగులో ఆపరేషన్లు చేస్తున్నారని, స్కూళ్లలో బాత్రూంలు లేక పిల్లలు ఇబ్బందులు పడుతున్నారని, పాఠశాలలు కూలుతున్నాయని,  అందుకే ముందు వాటిని నెరవేర్చడానికి తాను ‘నాడు-నేడు’ చేపట్టానని జగన్ స్పష్టంచేశారు.

   ఇక రాష్ట్రంలో  50లక్షల మందికి పెన్షన్లు ఇస్తున్నామని, 46 లక్షల మందికి రైతు భరోసానిస్తున్నామని, అమ్మఒడితో ఏటా 15వేలు ఇస్తూ బడిపిల్లలను బాడిబాట పట్టిస్తున్నామని జగన్ వివరించారు..చంద్రబాబు చెప్పినట్టు గ్రాఫిక్స్ అమరావతి కట్టాలంటే.. ఇప్పుడు ఈ సంక్షేమ పథకాలన్ని ఆగిపోతాయని.. సంక్షేమం కావాలా? అమరావతి కావాలా తేల్చుకోవాలని జగన్ సూటిగా ప్రశ్నించారు. దీంతో  జనాల్లో ఈ అంశం చర్చనీయాంశమైంది.

  నిజానికి చంద్రబాబు గారి ఐదేళ్ల పాలనలో చేసిన అప్పుల వల్ల ఇప్పటికే ఏపీ ప్రభుత్వం 2.57లక్షల కోట్ల అప్పుతో నడుస్తోందని., అమరావతికి లక్ష కోట్లు అప్పు చేస్తే అందరం రోడ్డున పడడమే అని  జగన్ లెక్కలతో సహా వివరించి  అందరిలోనూ ఆలోచన లో పడేసారు. సీఎం జగన్ సంధించిన ఈ ప్రశ్నలు ఇప్పుడు ఏపీ వ్యాప్తంగా చర్చనీయాంశమయ్యాయి. సీఎం జగన్ లెక్కలతో చంద్రబాబును కొట్టిన తీరు ఆకట్టుకుంది. సంక్షేమం కావాలా? అమరావతి కావాలా అన్న పిలుపు వైరల్ అవ్వడంతో ఎన్నోచోట్లా చర్చకు దారితీస్తోంది. మరి చంద్రన్న దీనిపై ఎలా రియాక్ట్ అవుతారో చూడాలని అందరూ అంటున్నారు. 

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss