Sunday, January 17, 2021

Latest Posts

రిషి కపూర్ పై ఒకప్పటి అందాల నటి షాకింగ్ కామెంట్స్

Jayapradha explained his affiliation with Rishi kapoor

బాలీవుడ్ దిగ్గజ నటుడు రిషికపూర్ మరణం పట్ల బాలీవుడ్ తో పాటు టాలీవుడ్ తదితర చిత్ర పరిశ్రమలు దిగ్బ్రాంతికి గురయ్యాయి. ప్రతి ఒక్కరూ రిషితో గల జ్ఞాపకాలను నెమరు వేసుకుంటూ కన్నీటి పర్యంతమవుతున్నారు. రిషికపూర్‌తో బాలీవుడ్ ఎంట్రీ ఇచ్చిన జయప్రద, తనకున్న అనుబంధాన్ని మీడియాకి వివరించింది. ‘అందరికీ రిషి హీరో.. కానీ నాకు మాత్రం అతను మంచి స్నేహితుడు. నా తొలి బాలీవుడ్ చిత్ర హీరో. ఆయనతో ఎన్నో జ్ఞాపకాలున్నాయి. నాకు కష్టం అనిపిస్తే చాలు ఫోన్ చేసి చెప్పుకునేంత స్నేహం మా ఇద్దరి మధ్య ఉంది’ అని జయప్రద చెప్పుకొచ్చింది.

‘‘రిషి కపూర్ ప్రపంచానికి హీరో అయి ఉండవచ్చు కానీ నాకు, అతను ఎప్పుడూ నా స్నేహితుడు చింటూజీనే. ఆయన నా మొదటి (సర్గమ్) హిందీ మూవీకి ఆయనే హీరో. ఆ చిత్ర మొదటి రోజు షూటింగ్‌లో నా ఎదురుగా నవ్వుతూ ఉన్న పెద్ద స్టార్ హీరోని చూసి ఆనందపడుతున్నాను.. కానీ మనసులో భయపడుతూనే ఉన్నాను. అప్పుడు ఆయనే నా దగ్గరకు వచ్చి భయపడవద్దని చెప్పి ధైర్యం చెప్పారు. లాంగ్ షూట్స్ ఉన్నప్పుడు అతను అందించిన సహకారం మరువలేనిది’అని జయప్రద వివరించింది.

తాను బేర్‌ఫీట్ నృత్యం చేయవలసి ఉన్నందున, నాకు బాధ అనిపించినప్పుడల్లా.. అతను పరిగెత్తుకుంటూ వచ్చి తనిఖీ చేసేవాడని జయప్రద చెప్పుకొచ్చింది. అతనికి డ్యాన్స్ అంటే చాలా ఇష్టం. అందుకే డ్యాన్స్‌లో నాకు ఛాలెంజ్ విసురుతుండేవాడు. అతను చాలా ధైర్యవంతుడు, అతను క్యాన్సర్‌తో పోరాడిన విధానం చూస్తే అది స్పష్టంగా తెలుస్తుంది. యుఎస్‌లో అతని చికిత్స సమయంలో ఏం కాదు అంతా బాగానే ఉంటుందని మెసేజ్ చేసి భరోసా ఇచ్చేదాన్ని. అప్పుడు చాలా హ్యాపీగా స్పందించే వారు’అని పేర్కొంది. ‘బాబీ’ నుంచి ‘102 నాట్ అవుట్’ వరకు ఆయనది సుదీర్ఘ ప్రయాణం. ప్రతి పాత్ర అతని కోసమే రాసినట్లు అనిపించింది..’’ అని పేర్కొంది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss