Tuesday, May 18, 2021

Latest Posts

జ్యోతిరాదిత్య చేరికతో మేనత్తలు ఖుషీ 

Jyotiraditya Scindia to join BJP:

కీలకమైన  మధ్యప్రదేశ్ రాజకీయాలను  కాంగ్రెస్ నేత జ్యోతిరాదిత్య సింధియా ఒక్కసారిగా  మలుపు తిప్పేశారు. ఆయన బిజెపి తీర్ధం పుచ్చుకోవడమే కాదు,20మంది ఎమ్మెల్యేల చేత రాజీనామా చేయించి కాంగ్రెస్ సీఎం కమలనాధ్ ని కంగు తినిపించారు.  అయితే అయన  బీజేపీలో చేరడంపై బీజేపీలో ఉన్న ఆయన మేనత్తలు ఖుషి అవుతున్నారు.  గ్వాలియర్ రాజమాత గా విజయరాజె సింధియా సుదీర్ఘ కాలం బీజేపీలో ఉన్నారు. ఆమె కుమార్తెలే వసుంధర రాజె యశోధర రాజె సింధియాలు.. వీరిద్దరూ బీజేపీలో ఉన్నారు.

అయితే  కుమారుడు మాధవ రావ్ సింధియాలో కాంగ్రెస్ లో  కొనసాగారు. కాంగ్రెస్లో కేంద్ర మంత్రిగా పనిచేసిన ఆయన విమాన ప్రమాదంలో మరణించారు. మాధవరావ్ కుమారుడే జ్యోతిరాదిత్య. తండ్రి మరణం తరువాత రాజకీయాల్లోకి వచ్చి 18 ఏళ్లుగా  కాంగ్రెస్  లోనే ఉండిపోయిన జ్యోతిరాదిత్య  రాకను మేనత్తలు  స్వాగతిస్తున్నారు. జ్యోతిరాదిత్య మేనత్తల్లో ఒకరైన రాజస్తాన్ మాజీ సీఎం బీజేపీ సీనియర్ లీడర్ వసుంధర రాజె స్పందిస్తూ జ్యోతిరాదిత్య రాక ఎంతో సంతోషంగా ఉందన్నారు.

జ్యోతిరాదిత్య  సింధియా స్వభావం బలం ధైర్యాన్ని ఎప్పుడూ గౌరవిస్తానని వసుంధర  రాజే తెలిపారు. ‘‘ఈ సమయంలో రాజమాత విజయరాజె సింధియా ఉంటే ఎంతో గర్వించేవారు’’ అని ఆమె వ్యాఖ్యానించారు.ఇప్పటికైనా తామంతా ఒకే  పార్టీలో ఉండడం సంతోషంగా ఉందన్నారు.మరో మేనత్త అయిన మధ్యప్రదేశ్ బీజేపీ ఎమ్మెల్యే యశోధర రాజే అయితే  సింధియా చేరికపై సంతోషం వ్యక్తం చేస్తూ, మహారాజ్ కి  స్వాగతం అంటూ  స్వాగతించారు.  మొత్తం మీద   బీజేపీలో ఉన్న ఇద్దరు మేనత్తలూ మేనల్లుడి రాకను స్వాగతిస్తూ హర్షం వ్యక్తం చేస్తున్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss