Monday, October 25, 2021

Latest Posts

ట్రంప్‌ విందుకు కేసీఆర్‌కు ఆహ్వానం – సర్ ప్రయిజ్ గిఫ్ట్ ప్లాన్

KCR to Attend Dinner in Honour of US President Donald Trump:

 భారత పర్యటనకొస్తున్న అమెరికా అధ్యక్షుడు డొనాల్డ్‌  ట్రంప్‌ గౌరవార్థం రాష్ట్రపతి కోవింద్‌ ఇవ్వనున్న విందుకు ముఖ్యమంత్రి కె.చంద్రశేఖర్‌ రావుకు ఆహ్వానం అందింది. ఈ నెల 25వ తేదీ రాత్రి 8 గంటలకు రాష్ట్రపతి భవన్‌లో జరిగే ఈ విందుకు హాజరుకావాలని కేసీఆర్‌ను రాష్ట్రపతి ఆహ్వానించారు.  ఈమేరకు కేసీఆర్‌కు రాష్ట్రపతి భవన్‌ నుంచి వర్తమానం అందింది. దీనికి కేసీఆర్‌ తన సమ్మతిని తెలియజేసినట్లు సమాచారం. ఆయన 24 వ తేదీ సాయంత్రం లేదా 25న మధ్యాహ్నం ప్రత్యేక విమానంలో ఢిల్లీకి వెళ్లనున్నట్లు ప్రభుత్వ వర్గాలు తెలిపాయి.

   ఈ విందుకు దేశ వ్యాప్తంగా 90 నుంచి 95 మందికే ఆహ్వానాలు అందినట్లు తెలిసింది. వీరిలో ఎనిమిది మంది ముఖ్యమంత్రులున్నారు. కేసీఆర్‌తో పాటు అసోం, హరియాణ, కర్ణాటక, బిహార్‌, మహారాష్ట్ర, తమిళనాడు, ఒడిసా సీఎంలకు  ఆహ్వానం వచ్చింది. అయితే ఏది చేసినా డిఫెరెంట్ గా తన మార్క్ కనిపించేలా చేయడం కేసీఆర్ కు అలవాటు. అందుకే దేశం గర్వించే రైతు బంధు మిషన్ భగీరథ నుంచి ఎన్నో అద్భుత పథకాలకు పురుడు పోశారు. ఇప్పటికే నలుగురిలోకి భిన్నంగా వెళ్లడం కేసీఆర్ కు అలవాటు.

   తాజాగా అమెరికా అధ్యక్షుడు ట్రంప్ భారత పర్యటనలో పాల్గొనే విందుకు తెలంగాణ సీఎం కేసీఆర్ కు ఆహ్వానం అందడంతో  ట్రంప్ కు సర్ ప్రైజ్ ప్లాన్ చేశారట. అమెరికా అధ్యక్షుడితో విందుకు వెళుతున్న కేసీఆర్ ఆయనకు ఇచ్చే తెలంగాణ సంస్కృతి సంప్రదాయాలు చాటేలా అద్భుతమైన బహుమతులు రెడీ చేశాడట. అంతేకాదు.. మంచి భోజన ప్రియుడైన ట్రంప్ కు తెలంగాణ వంటకాలైన సర్వపిండి – సకినాలు – నాటుకోడి పకోడిని మంచి నిష్ణాతులైన వంటగాళ్లతో తయారు చేయించాడట.. వీటన్నింటిని వెరైటీగా ప్యాక్ చేయిస్తున్నట్టు ప్రగతి భవన్ వర్గాలు తెలిపాయి. తెలంగాణ వంటకాలకు ఇప్పటికే బ్రాండ్ క్రియేట్ చేసిన కేసీఆర్ ఇప్పుడు ట్రంప్ తో వాటిని రుచిచూపించి మరింత ప్రాచుర్యం కల్పించేందుకు సమాయత్తం అవుతున్నట్లు చెబుతున్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss