Tuesday, March 9, 2021

Latest Posts

కరోనా ఎఫెక్ట్ :తెలుగు రాష్ట్రాల్లో లాక్ డౌన్

Lockdown in Telugu states due to Corona Effect

కరోనా మహమ్మారి నేపథ్యంలో తెలుగు రాష్ట్రాల్లో జనతా కర్ఫ్యూ ఆదివారం విజయవంగమైంది. దీంతో పూర్తిగా కట్టడి చేయడానికి మార్చి 31వరకూ లాక్ డౌన్ ప్రకటిస్తూ ఇరు రాష్ట్రాల సీఎంలు నిర్ణయం తీసుకున్నారు. ఆదివారం నాడు ప్రగతి భవన్‌తో మీడియా మీట్ నిర్వహించిన ముఖ్యమంత్రి కేసీఆర్ మాట్లాడుతూ తెలంగాణ వ్యాప్తంగా అత్యవసర ఆరోగ్యసేవల్ని కొనసాగిస్తామని స్పష్టం చేశారు. ఆర్టీసీ బస్సులు, ఆటోలు, ట్యాక్సీలు బంద్‌ కానున్నాయని తెలిపారు. అంతేకాదు.. ప్యాసింజర్‌ సర్వీసులు, ప్రైవేట్‌ బస్సులు కూడా బంద్‌ చేస్తామని కేసీఆర్‌ స్పష్టం చేశారు. స్వీయ నియంత్రణ పాటిస్తేనే కరోనాను ఎదుర్కోగలమని గులాబీ బాస్ తెలిపారు.

రాష్ట్ర సరిహద్దుల్ని మూసివేస్తున్నామని ఈ సందర్భంగా కేసీఆర్ ప్రకటించారు. అత్యవసర సరుకులు తెచ్చే గూడ్సు వాహనాలకు మాత్రమే అనుమతిస్తున్నామన్నారు. ఇటలీకి పట్టిన గతి మనకు పట్టొద్దంటే స్వీయ నియంత్రణ పాటించాలి. విదేశాల నుంచి వచ్చిన వారు అధికారులకు రిపోర్ట్‌ చేయండి. ఇంట్లోంచి ఎవరూ బయటికి రావొద్దు.. సెలవులు ప్రకటించింది బయట తిరగడానికి కాదు. కూరగాయలు, పాలు, కిరాణాషాపులు తెరిచే ఉంటాయి’ అని కేసీఆర్ వెల్లడించారు.

ఆంధ్రప్రదేశ్‌లో కూడా లాక్‌డౌన్ ఉంటుందని సీఎం వైఎస్ జగన్ మోహన్ రెడ్డి కీలక ప్రకటన చేశారు. మార్చి 31 వరకు లాక్‌డౌన్ ఉంటుందని సీఎం స్పష్టం చేశారు. 31 తర్వాత పరిస్థితులు సమీక్షించి తదుపరి నిర్ణయం ఉంటుందని చెప్పారు. ప్రజా రవాణా జరగదు. పబ్లిక్, ప్రైవేట్ ట్రాన్స్‌పోర్టు నిలిపివేస్తున్నాం. ఆర్టీసీ బస్సులు, ఆటోలు, ట్యాక్సీలు బంద్‌ కానున్నాయి. అత్యవసర సర్వీసులకు మాత్రమే మినహాయింపు ఉంటుంది. నిత్యావసర షాపులు తప్ప మిగతా దుకాణాలు బంద్‌ . గోడౌన్లు, ఫ్యాక్టరీలు తక్కువ సిబ్బందితో నడపాలి. ప్రజలు అవసరమైతేనే బయటికి రావాలి. అంతర్రాష్ట్ర సరిహద్దుల్ని మూసివేస్తున్నాం. నిత్యవసర షాపులు తప్ప దుకాణాలు మూసివేయాలి. విదేశాల నుంచి వచ్చినవాళ్లు కచ్చితంగా 14 రోజులు స్వీయ నిర్బంధంలోకి వెళ్లాలి. 31 వరకూ అందరూ ఇళ్లలో కూర్చోగలిగితే కరోనా వైరస్‌ను తరిమికొట్టగలం’ అని జగన్ అన్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss