Sunday, June 13, 2021

Latest Posts

ఉద్ధవ్ ను ఎమ్మెల్సీగా నియమించాలని  కేబినెట్ మళ్ళీ  తీర్మానం

Maha cabinet again asks Governor Koshyari to name Uddhav Thackeray as MLC

సీఎం గా ఎన్నికయ్యాక ఆరు నెలల్లోగా,ఇటు శాసన సభలో గానీ అటు శాసనమండలిలో గానీ సభ్యునిగా  నియామకం కావాలి. అయితే మహారాష్ట్ర సీఎం ఉద్దవ్ ఠాక్రే ఏ సభలోనూ సభ్యుడు కాకపోవడంతో సీఎం గా ప్రమాణం చేసి, ఆరు మాసాలు పూర్తవ్వబోతోంది. ఈనేపధ్యంలో  మహారాష్ట్ర శాసన మండలి లో సభ్యుడిగా ముఖ్యమంత్రి ఉద్ధవ్ ఠాక్రేను నియమించాలని ఆ రాష్ట్ర మంత్రివర్గం మరోసారి తీర్మానించింది. గవర్నరు కోటాలో ఖాళీగా ఉన్న సీటులో ఉద్ధవ్ ఠాక్రేను ఎమ్మెల్సీగా నియమించాలని కోరుతూ ఇప్పటికే ఒకసారి తీర్మానం చేయగా, ఇప్పుడు  రెండోసారి మహారాష్ట్ర మంత్రివర్గం చేసిన సిఫారసును సోమవారం రాత్రి గవర్నర్ భగత్ సింగ్ కోష్యారీకి పంపించారు. ఈమేరకు  డిప్యూటీ సీఎం అజిత్ పవార్  అధికారిక ప్రకటన విడుదల చేసారు.

గతంలో ఏప్రిల్ 9వతేదీన ఉద్ధవ్ ఠాక్రేను ఎమ్మెల్సీగా నియమించాలని కోరుతూ మహారాష్ట్ర మంత్రివర్గం చేసిన తీర్మానాన్ని గవర్నరుకు పంపించింది. భారత రాజ్యాంగంలోని ఆర్టికల్ 164 (4) ప్రకారం ఉభయ సభల్లో సభ్యులు కానివారెవరైనా మంత్రి లేదా ముఖ్యమంత్రి అయితే ఆరునెలల్లోగా సభ్యుడు కావాలి. లేకుంటే వారు ఆ పదవికి అనర్హులవుతారు. ఉద్ధవ్ ఠాక్రే మే 28వతేదీ నాటికి ముఖ్యమంత్రిగా పదవీ బాధ్యతలు స్వీకరించి ఆరు నెలలు పూర్తి కానుంది.

ఆ లోగా ఉద్ధవ్ ఎమ్మెల్సీగా నామినేట్ కాకపొతే, రాజ్యాంగ సంక్షోభం ఏర్పడుతుంది. మహారాష్ట్ర మంత్రివర్గం రెండోసారి చేసిన సిఫారసు అయినా గవర్నరు ఆమోదించి ఉద్ధవ్ ను ఎమ్మెల్సీగా ఎంపిక చేస్తారా లేదా అనేది ఉత్కంఠ గా మారింది.  మొత్తంమీద కరోనా వల్ల అసెంబ్లీ ఎన్నికలు జరగకపోగా, ఎమ్మెల్సీగా నామినేట్ కోసం మహా మంత్రివర్గం గవర్నరుకు రెండోసారి సిఫారసు చేయడం చర్చనీయాంశంగా మారింది. ఓ పక్క కరోనాతో మహారాష్ట్ర అట్టుడికి పోతుంటే,మరోపక్క రాజకీయం కూడా వేడెక్కుతోంది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss