Saturday, May 15, 2021

Latest Posts

మెగా మూవీలో సూపర్ స్టార్ – వారెవ్వా రోజుకి కోటి ఛార్జి

Maheshbabu in Mega Movie – Crore charge per week:

ఎంత ఫ్రెండ్షిప్ ఉన్నా,ఎంత బంధువైనా సినీ రంగంలో డబ్బుల దగ్గర తేడా లుండవ్. ఎవరికీ ముట్టజెప్పేది వాళ్లకి ఇచ్చేయ్యాల్సిందే. అసలు విషయం ఏంటంటే, రీ ఎంట్రీ తర్వాత మెగాస్టార్ చిరంజీవీ రెండు సినిమాలతో సందడి చేయగా మూడో సినిమా షూటింగ్ కూడా స్టార్ట్ అయింది. చిరంజీవి 152వ సినిమాగా కొరటాల శివ దర్శకత్వంలో రూపొందుతున్న ఈ మూవీ శర వేగంగా తెరకెక్కతోంది. అయితే ఇందులో కీలకమైన 40 నిమిషాల పాత్ర కోసం రామ్ చరణ్ ని ఎంపిక చేశారని మొదట్లో చెప్పుకొచ్చారు. అయితే ఆర్.ఆర్.ఆర్ షెడ్యూల్ కి ఇబ్బంది తలెత్తకుండా ఉండేందుకు ఈ నిర్ణయం మార్చుకున్నారట. ఎవరిని పెట్టాలన్న దానిపై జోరుగా కసరత్తు చేసి, సూపర్ స్టార్ మహేష్ బాబు,స్టైలిష్ స్టార్ అల్లు అర్జున్ పేర్లు పరిశీలించారట.

అయితే మెగా ఫ్యామిలీ హీరో బదులు, బయట స్టార్ ని పెడితే మంచిదన్న దిశగా చిరు-కొరటాల బృందం ఆలోచన చేశారట. దీంతో మహేష్ వైపు మొగ్గు చూపుతూ, మహేష్ ని ఒప్పించినట్లు కూడా టాక్ నడుస్తోంది. మెగాస్టార్ చిరంజీవితో స్నేహం కారణంగా సూపర్ స్టార్ మహేష్ ఈ ఆఫర్ ని రిజెక్ట్ చేసే ఛాన్స్ లేనందున దాదాపు మహేష్ ఖాయమైనట్టేనని అంటున్నారు. ఎందుకంటే మొన్నటికి మొన్న సరిలేరు నీకెవ్వరు మూవీ ప్రీరిలీజ్ ఫంక్షన్ కి మెగాస్టార్ చీఫ్ గెస్ట్ గా వచ్చి హైప్ క్రియేట్ చేసాడు. అయితే ఇప్పుడు మెగాస్టార్ మూవీలో నటించనున్న మహేష్ బాబు పాత్ర ఏలా ఉంటుంది? అనేదానిపై ఎక్కడా లీకవ్వలేదు. నక్సలైట్ పాత్ర అని లీకు అందినా, మెగాస్టార్ కామ్రేడ్ గెటప్ కి సంబంధించిన లుక్ ఒకటి బయటకు రావడంతో డైలమా ఏర్పడింది. మరి మహేష్ రోల్ గురించి ఇప్పటికి సస్పెన్స్ కొనసాగుతోంది.

ఇక ఈ సినిమాలో యాక్ట్ చేయడానికి ఒప్పుకున్న మహేష్ ఎంత పారితోషికం తీసుకుంటాడనేది సస్పెన్స్ గానే ఉంది. ఇందులో దాదాపు 30 నుంచి 40 నిమిషాల పాటు ఆ పాత్ర తెరపై ఉంటుందట. దాదాపు 30 రోజుల పాటు మహేష్ పై చిత్రీకరించాల్సి వస్తోందిట. ఇందుకోసం ఒక్కొక్క రోజుకు కోటి చొప్పున 30 రోజులకు 30 కోట్ల వరకూ సూపర్ స్టార్ కి ముట్టజెబుతున్నట్లు టాక్. మహేష్ మార్కెట్ ప్రకారమే ఇంత ఛార్జ్ చేస్తున్నారుట. నిజానికి గత కొన్నేళ్లగా తన పారితోషికాన్నే పెట్టుబడి పెడుతూ జీఎంబీ సంస్థ పేరుతో లాభాల్లో వాటా లాగేస్తున్నట్టు టాక్. మెగా మూవీలో కూడా ఇంతపెద్ద మొత్తం డిమాండ్ చేస్తున్నాడా అని చర్చ స్టార్ట్ అయింది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss