Wednesday, April 21, 2021

Latest Posts

కరోనాతో ఆచార్యకు అంతరాయం

megastar acharya movie shooting affected by coronavirus:

ప్రపంచాన్ని వణికిస్తున్న క‌రోనా వైర‌స్‌ అన్ని రంగాలను కుదిపేస్తోంది. తెలంగాణాలో కరోనా వైరస్ సోకకుండా ప్ర‌జ‌లు ఇబ్బంది ప‌డ‌కుండా తెలంగాణ ప్ర‌భుత్వం ఈ నెల 21 వ‌ర‌కు సినిమా థియేట‌ర్స్, ప‌బ్స్‌, క్ల‌బ్స్‌, అవుట్ డోర్‌, ఇండోర్ స్టేడియాలు, పార్కులు, మ్యూజియాలు …31 వరకు విద్యా సంస్థలను మూసివేస్తున్న‌ట్లు తెలంగాణ ప్ర‌భుత్వం ప్రకటించింది. ఈ నేప‌థ్యంలో మెగాస్టార్ చిరంజీవి స్పందించారు. కరోనా నియంత్రణకు కేంద్ర రాష్ట్ర ప్రభుత్వాలు అవలంభిస్తున్న విధానాల పట్ల ఆయన హర్షం వ్యక్తం చేశారు. కరోనా మహమ్మారి నియంత్రణ ప్రతి ఒక్కరి బాధ్యత అని, దీన్ని ప్రభుత్వానికే వదిలేయకుండా ప్రజలంతా భాగస్వాములు కావాలని కోరారు. ఇక తనవంతు బాధ్యతగా తన సినిమా షూటింగ్‌ను వాయిదా వేస్తున్నానని ప్రకటించారు.

కరోనా సోకిన వారికి తగిన చికిత్స అందించడం, వైరస్ వ్యాప్తి చెందకుండా క్రీడలను వాయిదా వేయడం, సినిమా హల్స్‌ను, మాల్స్‌ను మూసెయ్యడం, స్కూళ్ళు, కాలేజీలకు సెలవులు ప్రకటించడం మంచి పరిణామం గా మెగాస్టార్ పేర్కొన్నారు. ప్రజలు కూడా ముందుస్తు జాగ్రత్తలు పాటించాలని ఆయన సూచించారు. తెలంగాణ ముఖ్యమంత్రి కేసీఆర్ ప్రజల్లో ధైర్యాన్ని, నమ్మకాన్ని పెంచేలా చర్యలు తీసుకుంటున్నందుకు ధన్యవాదాలు తెలిపారు. ఆంధ్రప్రదేశ్ ప్రభుత్వం, సీఎం వైఎస్ జగన్‌ కూడా ప్రస్తుత పరిస్థితులకు అనుగుణంగా తగిన నిర్ణయం తీసుకుంటారని భావిస్తున్నానన్నారు.

‘ఆరోగ్యాన్ని మించింది మరొకటి లేదు కాబట్టి ఆర్థికంగా కొంత ఇబ్బంది కలిగే అకవాశం ఉన్నప్పటికీ కరోనా వైరస్‌ను నియంత్రణ చేసే ఉధ్యమంలో సినీరంగం కూడా పాలుపంచుకోవాలని కోరుతున్నా. దీనికి అందరూ సహకరిస్తారని ఆశిస్తున్నా’అని చిరంజీవి పేర్కొన్నారు. అందుకే సినిమా షూటింగుల్లో కూడా పెద్ద సంఖ్యలో టెక్నీషియన్లు పనిచేయాల్సి ఉందని, వారి ఆరోగ్యాన్ని దృష్టిలో ఉంచుకుని 10 నుండి 15 రోజుల వరకు షూటింగులు వాయిదా వేస్తే మంచిదని భావిస్తున్నా నని మెగాస్టార్ చెప్పారు. ప్రస్తుతం చిత్రీకరణ జరుగుతున్న తన సినిమా ఆచార్య షూటింగ్‌ వాయిదా వేద్దామని దర్శకుడు కొరటాల శివతో చెప్పినప్పుడు ఆయన ఒకే చెప్పేశారని చిరంజీవి పేర్కొన్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss