Thursday, May 13, 2021

Latest Posts

పోలీసులకు సెల్యూట్ చేసిన నాగచైతన్య  

Naga Chaitanya salutes police for their devoted efforts
కరోనా  మహమ్మారి కట్టడి కోసం  దేశం యావత్తు లాక్‌డౌన్‌ను ప్ర‌క‌టించారు. ఈనెల 14తో 21రోజుల లాక్ డౌన్ ముగియనుంది. అయితే కేసుల సంఖ్య పెరుగుతున్న నేపథ్యంలో లాక్ డౌన్ పొడిగిస్తారన్న సూచనలు కనిపిస్తున్నాయి. ఇక  ఈ వైర‌స్ ప్ర‌భావాన్ని నివారించ‌డానికి సామాజిక దూరాన్ని పాటించాల‌ని కేంద్ర, రాష్ట్ర ప్ర‌భుత్వాలు ప్ర‌జ‌ల‌కు పదేపదే చెబుతున్నాయి. అంతే కాకుండా ప్ర‌జ‌ల కోసం, ప్ర‌జ‌ల‌ను ర‌క్షించ‌డానికి డాక్ట‌ర్లు, పోలీసులు, వైద్య సిబ్బంది, పారిశుద్ద్య కార్మికులు వైర‌స్‌పై పోరాటం చేస్తున్నారు.

ఈ నేప‌థ్యంలో తెలంగాణ పోలీసులు తీసుకుంటోన్న చ‌ర్య‌ల‌ను హీరో అక్కినేని నాగ‌చైత‌న్య అభినందిస్తూ సోష‌ల్ మీడియాలో ఓ వీడియో పోస్ట్ చేశారు. ‘‘కరోనా వైరస్ ప్రభావాన్ని నివారించడంలో భాగంగా గత రెండు, మూడు వారాల్లో మన ప్రభుత్వం పలు కఠిన నిర్ణయాలను తీసుకుంటోంది. చాలా త్వరగా చర్యలు చేపట్టడం వల్ల ఈ వైరస్ ఎక్కువగా ప్రబలలేదు. మనం బావున్నాం, ఈ రాష్ట్రం చాలా బావుంది’అని చైతు పేర్కొన్నాడు.

‘నేను కొన్ని అత్యవసర పరిస్థితుల్లో బయటకు వచ్చినప్పుడు తెలంగాణ పోలీసులు ప్రజల రక్షణ కోసం తీసుకుంటున్న చర్యలను గమనించాను. ప్ర‌జ‌ల సంక్షేమం కోసం పోలీసులు వారి  ప్రాణాల‌ను, వారి కుటుంబ స‌భ్యుల ప్రాణాల‌ను రిస్క్‌లో పెడుతున్నారు. ఈ సంద‌ర్భంగా పోలీసు శాఖ‌ను అభినందిస్తున్నా. ఓ ర‌కంగా చెప్పాలంటే ప్ర‌తి పౌరుడికి వారెంతో స్ఫూర్తిగా నిలుస్తున్నారు. వారంద‌రికీ సెల్యూట్ చేస్తున్నాను’’ అని నాగ చైతన్య పేర్కొన్నాడు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss