Thursday, March 4, 2021

Latest Posts

కరోనాపై ప్రధాని మోడీ షాకింగ్ డెసిషన్

ప్రస్తుతం ప్రపంచాన్ని కరోనా వైరస్  వణికిస్తు న్న నేపథ్యంలో  ప్రపంచ ఆరోగ్య సంస్థ హెల్త్ ఎమర్జెన్సీ ప్రకటించింది. కరోనాపై  వివిధ దేశాల ప్రభుత్వాలు పోరాడుతున్నాయి. దేశవ్యాప్తంగా కరోనా కేసులా  భయాల  నేపథ్యంలో ప్రధాని నరేంద్ర మోదీ అధ్యక్షతన కేంద్ర కేబినెట్  సమావేశమై  చర్చించింది. కరోనాను సాధ్యమైనంత వరకు నివారించే మార్గాలపైనే దృష్టిసారించాలని ప్రధాని సూచించారు. కేబినెట్ భేటీ అనంతరం కేంద్ర ఆరోగ్య శాఖ మంత్రి హర్షవర్ధన్ మీడియాతో మాట్లాడుతూ వైరస్ విస్తరిస్తోన్న నేపథ్యంలో దాన్ని అరికట్టేందుకు పెద్ద ఎత్తున చర్యలు చేపట్టామని చెప్పారు.  

    అన్ని రాష్ట్రాలను ఎప్పటికప్పుడు అలెర్ట్ చేస్తున్నామని మంత్రి హర్షవర్ధన్ చెప్పారు. ఎయిర్ పోర్టుల్లో విదేశాల నుంచి వచ్చినవాళ్లు కాకుండా, దేశవ్యాప్తంగా మారుమూల గ్రామాల్లోని 10 లక్షల మందికి కరోనా స్క్రీనింగ్ టెస్టులు నిర్వహించినట్లు తెలిపారు. ఉత్తరాఖండ్ ఉత్తరప్రదేశ్ బీహార్ వెస్ట్ బెంగాల్ సిక్కింలో నేపాల్ సరిహద్దుకు దగ్గరగా ఉన్న గ్రామాల్లో భయాందోళనలు నెలకొనడంతో ఈ మేరకు టెస్టులు చేపట్టామన్నారు. బుధవారం నాటికి సీరియస్ కేసులుగా పరిగణించిన 3245 మందికి పుణె ఇతర వైరాలజీ ల్యాబుల్లో టెస్టులు చేయగా.. 37 మందికి వైరస్ సోకినట్లు నిర్ధారణ అయిందని మంత్రి వివరించారు.

   మరో 23 కేసులకు సంబంధించి ఫలితాలు రావాల్సి ఉందన్నారు. అలాగే క్కువ సార్లు సబ్బుతో చేతులు కడుక్కోవడం తుమ్ములు దగ్గు వచ్చినప్పుడు రుమాలు అడ్డంగా పెట్టుకోవడం వీలైనంతమేరకు సమూహాలకు దూరంగా ఉండటం ద్వారా కరోనా ప్రమాదాన్ని నివారించొచ్చని ఈ విషయాల్ని ప్రజల్లోకి తీసుకెళ్లాలని ఆయన సూచించారు కాగా   కరోనా వైరస్ వేగంగా వ్యాప్తి చెందుతున్న నేపథ్యంలో ఈఏడాది హోలి పండుగకు దూరంగా ఉండాలని ప్రధాని మోదీ కూడా సంచలన నిర్ణయం తీసుకున్నారు.  కరోనా వైరస్ వ్యాప్తి చెందకుండా ఉండాలంటే జనసమూహాలకు దూరంగా ఉండాలని డాక్టర్లు నిపుణులు చెబుతున్నందున  ఈ ఏడాది నేను హోలి మిలాప్ కార్యక్రమాల్లో పాల్గొనడంలేదు అని మోదీ ట్వీట్ చేశారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss