Monday, April 19, 2021

Latest Posts

లాక్ డౌన్ పొడిగింపు ఖాయమేనా

narendra modi may have to be extend national lockdown

కరోనా కట్టడి కోసం 21రోజుల లాక్ డౌన్ భారత్ లో విజయవంతంగా నడుస్తుండగా, 14వ తేదీతో ముగియాల్సి వుంది. అయితే లాక్ డౌన్ పొడిగిస్తారన్న వార్తలు వైరల్ అవుతున్నాయి. దీనికి తోడు తెలంగాణ సీఎం కేసీఆర్ బహిరంగంగానే లాక్ డౌన్ కొనసాగాలని చెప్పేసారు. తాజాగా బుధవారం అన్ని పార్టీల ఫ్లోర్ లీడర్లతో ప్రధానమంత్రి నరేంద్ర మోదీ వీడియో కాన్ఫరెన్స్ నిర్వహించారు. ఈ సందర్బంగా   కరోనా విజృంభణ, లాక్‌డౌన్ విషయంపై ప్రధాని మోదీ లాక్‌డౌన్ విషయంపై నర్మగర్భ వ్యాఖ్యలు చేసినట్లు టాక్. లాక్‌డౌన్ ఎత్తేసే విషయంలో మోదీ అంత సుముఖంగా లేనట్లు ఆయన మాటలు స్పష్టం చేస్తున్నాయని ఇంచుమించు అన్ని పార్టీల నేతలు సమావేశం అనంతరం చెప్పుకొచ్చారు.

ప్రజల ప్రాణాలను కాపాడుకోవాలంటే లాక్‌డౌన్ ఒక్కటే ఏకైక పరిష్కారమని ఫ్లోర్ లీడర్లతో మోదీ అన్నట్లు తెలుస్తోంది.   ‘‘ప్రజల ప్రాణ రక్షణకై లాక్‌డౌనే పరిష్కారం. నేను ప్రతిరోజూ అన్ని రాష్ట్రాల సీఎంలతో, నిపుణులతో చర్చిస్తూనే ఉన్నా. లాక్‌డౌన్ ఎత్తివేయాలని ఏ ఒక్కరూ అభిప్రాయపడలేదు. మరోసారి అన్ని రాష్ట్రాల ముఖ్యమంత్రులతో మాట్లాడతా. ఇప్పటి వరకైతే మొత్తానికి మొత్తం లాక్‌డౌన్ ఎత్తేయడం సాధ్యం కాకపోవచ్చు. జిల్లా అధికారులతో కూడా మాట్లాడుతున్నాము. సామాజిక దూరం పాటించే విషయంలో మనం మరింత కఠినంగా ఉండాల్సిందే. మున్ముందు మరిన్ని ఊహించని నిర్ణయాలు కూడా తీసుకోవచ్చు’’ అని మోదీ అన్నారట.

దేశంలో పరిస్థితి సామాజిక అత్యవసర పరిస్థితికి సమానంగా కనిపిస్తోందని, మరిన్ని కఠిన నిర్ణయాలు అవసరమని, మరింత జాగరూకతతో వ్యవహారించాల్సి ఉందని అఖిలపక్ష నేతలో మోదీ చెప్పినట్లు టాక్. అంతేకాదు, ఏప్రిల్ 14 తర్వాత లాక్‌డౌన్ ఎత్తేసే అవకాశాలు కనిపించడం లేదని, కరోనాకు ముందు పరిస్థితి, తర్వాత పరిస్థితి అన్నట్లుగా మారుతుందని ఫ్లోర్ లీడర్లతో ప్రధాని మోదీ అభిప్రాయపడ్డారు. 80శాతం మంది విపక్ష నేతలు కూడా లాక్ డౌన్ ని సమర్ధించినట్లు తెలుస్తోంది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss